ZUMHTLAK ICJ DIRPI HNA USIH: Gambia nih ICJ zungah Kawlram maw taza a cuai Ralkap le Cozah dah a cuai hna? Ahodah kan dirpi kun lai? Gambia maw? Ralkap le Cozah maw? ICJ maw? Gambia nih Genocide Convention law (1,3,4,5,6) ning tein Kawlram Ralkap le Cozah cu taza a cuai hna..Kawlrampi tazacuai phunphai alo ko nain an cuai duhmi taktak cu sualnak a tuah ko tiah puhmi (personals) pawl kha ansi. Fiang lawlaw in chim ko ahcun Ralkap nih Genocide an tuah tiah Ralkap kha taza an cuai duhmi taktak cu asi ko.

Gambia nih aa tinhmi taktak cu Lainawng tiah puhmi Ralkap kha dantat (punish) i, Kawl Cozah le UNO biakam cia bantuk tein Kawlram mipi caah humhimnak (security) serpiak asi. A ngaingai chim ko ahcun ICJ tazacuainak hi Kawlram mipi le a hleice in kanmah Tlangcung miphun caah atthami humhimnak pakhat asi. ICJ ah UN Biaceihtu Bawi 15 nih an ceih lai. Ziknawh le mi mithmai zoh in bia a khiakmi ansi lo. ICJ Bia an khiahmi cu100% a dik. Zumhtlak taktak asi.

Tulio Kawlram chung ah ICJ kong pehtlai in Ralkap le Cozah lei ttangin a dirpimi phu khat le Dirpi a hau lo tiah atitu phu zong an um ve. Ralkap le Cozah a dirpimi hna lakah Party zoh loin NLD le UNDP zong lungrual tein an ttangti kho ngai.Ralkap le Cozah lei in dirpi zong a sual hrimhrim lo. Asinain kan dirpi nak kan langhter mi le mibuu pi in sandah kan langhternak nih ICJ biaceihnak ah zeihmanh hmual a ngei hlei lai lo.

Nargis Phunghrampi i chirhchanh in duh poh in khua asa mile, ahohmanh nih tazacuai khawh asilomi Ralkap le ahoile pawl Taza a kan cuai piak khotu Gambia ram zong thangtthat awktlak le dirpi tlak asi ve. A donghnak a phi chuak ICJ nih bia a khiah dingmi tuhi a chiat ah siseh a tthat ah siseh kan dirpi khawh i kan cohlang khawh hi a biapi cem ko.

Gambia siseh Ralkap le Cozah sihnaseh kan dirpi hna nak in 100% Biadik (justice) a ceihtu ding ICJ tu dirpi ding asi ko tiah ka ruahnak asi..Cucu mipi kan caah kan dirhmun asi ko lo maw?? Ramkhel cheukhat nih an chimmi ” Azici cang i rual usih..အေရးျကီးျပီး ေသြးစည္းျကစို့ khi i ralring deuh kan hau. Khuaruah deuh kan hau. Izumh dihding asi lem lo. Credit: Jacob R. Thang