Zumhnak Kan Ngaih Ahcun Barcelona Tei In Kan Kai Kho- Van Dijk

Sport

Zumhnak Kan Ngaih Ahcun Barcelona Tei In Kan Kai Kho- Van Dijk

Image result for van dijk

Kan theih bantukin nizan ah Champions League semi-final first-leg chuih a si i, Barcelona nih Liverpool cu kawlthum bakin an tei hna. Liverpool hi away kawl an ngaih lo caah second leg zongah an caah ruahchannak a tlawm taktak cang.

Kan chim cang bantukin Liverpool nih hin away kawl an ngaih lo ruangah hihi Liverpool caah dawn khantu bik a si, kawlkhat tel ngei usih law zeizong vialte a thleng kho dih ko hnga,”tiah manager Jurgen Klopp zong nih a chim.

Related image

Hi kong he pehtlaiin Liverpool hnu kham Van Dijk cu a lungdong hlei lo. A timi cu Barcelona hi kan tei hna lai timi fek tein zumhnak ngaih in um ko hna usih, kawl luh ning zoh tikah Barcelona nih an kan teituk lo tiin a chim fawn. 3-0 in an kan tei, nain kawlkhat tal thunnak caan ttha kan ngeituk ve ko.

Kawlkhat tal thun ve usih law zeizong vialte aa thleng dih ko hnga, atu ahcun a si ding vialte cu a si dih cang i, cu cu kan pom a ngai. Kanmah inn zongah a harsa lai timi kan theih, sinain mah le mah zumhnak kan ngaih a herh i, keizong nih Barcelona tei in final kan phan hrim lai timi zumhnak ka ngei ko,”tiah ralttha ngaiin a chim.

Leave a Reply