USA um Lautu mi chung ah ngaihchiatnak thihdar. Lutuv Chin Christian Church (LCCC, Kansas) chungtel a simi Pu Hung Bik, Sarah Pa (Kum 30) nih tuchun 12:45pm ah ruahlo piin mual a kan liamtak. A kan liamtak mi Pu Hung Bik hi Lautu Peng, Hriangpi (A) khua mi a si. Fanu pahnih le fapa pakhat he an nu tiin a rohtak hna.

A thih ning cu tuzing ahkhan an inn pawngkam ah a tli i (exercise) a tuah ti a si. Exercise a tuah dih hnu ah inn a kir i inn a phanh hnu tlawmpal ah ka thawchuah a harpah mi a lo ee a ti caah inn he a naih nak Saint Luke’s Community Hospital – Legends ah Emergency in an kalpi. Emergency Room a phak hnu ah Siibawi te nih siizung ngan deuh mi Saint Luke’s Hospital of Kansas City ah kan thial a hau an ti i an kalpi i siizung pi an phak hlan chun suimilam 12:45pm ah a kan dinh tak hi a si. Siibawi te nih an kan chimh ning ahcun a lung ah a thi khal mi a um ee an ti. Zeitindah a lung ah a thil a khal ti (Blood Clot in his heart) cu Medical examiners nih an check ta lai ee an kan ti caah a ruak cu siizung ah an zohkhenh lio a si.

Ruak vuinak kong le ruak zohnak kong cu a hnu deuh ah thanh khawh ṭhan kan rak i zuam te lai. Sarah Pa nih a kaltak mi Inn chungkhar le Khrihfabu caah thlacam bawm hram rih ko hna u sih. Khrihfabu aiawh in, Dawt Uk (Pastor) Lutuv Chin Christian Church, 734 N 78th Street Kansas City, KS 66112. Pehtlaihnak: 1. Pastor: Dawt Uk (913) 314-9929. 2. Chairman: Pu Win Maung (913) 293-2022. 3. Secretary: Joseph Ngun Ling (913) 713-2327 Source: LCA