Zualko: Tlangval Sui Tha Cung Nih Ruah Lo Tukin A Kan Thih Taak Ee

Chin News

Ngaihchiatnak thawngpang vun theih cu lung a nuam kho hrimhrim lo. Atulio thil sining khawh ruah tikah lungretheihnak lawngte in a khat i Covid-19 zawtnak nih vuleipi abuaiter cuahmah liopi a si. Ram uk hna nih lengah chuah lo dingin inn i erh dingin ti cio a si. Cun a phu in um le cawlcangh an duh lo taktak ti a si. Cu lioah atubantuk in ngaihchiatnak kan ton hi cu lung a num kho hrimhrim lo.

Image may contain: 1 person, sitting and selfie

Tutan ah Dongva khuami tlangval nih Sui Tha Cung nih Surkhua ah ruah lo tukin mual a kan liam tak. A thihnak konghe pehtlai in a konglam theihmi an chim ning ah cun, amah i mawṭaw mawng (driver) a si i Dongva sizung an sakmi aherhmi thil va la i Surkhua ah a riak i zinglei ah tho ti loin a nunnak a liam hi a si.

Image may contain: 2 people, outdoor

Pa Sui Tha Cung hi dam lonak a ngeimi zong a si lo. Minunnem ngaimi a si i hawi le kom nih an tlaihchan ngaimi pakhat a si. Pumsa dam lonak zong zeihmanh angei lo i atu bantukin ruah lo piin mual a kan liam tak hi a si. Taantakmi chungkhar Bawipa tu nih an ngaihchiatnak chungin hnem hram ko hna seh!

Leave a Reply