Dear le hna,Kansas Chin Baptist Church chungtel a si mi,
A min: Bawi Uk Ceu
Lai tlang a khua: Thantlang
A kum: 44 (Tlangval)
USA a umnak: Kansas City (KCBC)

Nih tuchun ah ruahlo pi in mual a kan liam tak. Nihnih ni hrawng khan ka paw a fakpah a ti nain nizaan ah khan a dam deuh a ti caah Si-inn kal lo in a um. A nau le cu rian an tuan, a nua fale pathum he inn ah a ummi a si. Tuzing ah a nau fale cu breakfast a chuanpiak hna i a pek hna. Amah caah coffee a ser i a din hlan ah inn tangah a tum. Zunput ah a va thu i, tuan ah a kai ti lo caah a nau fale nih cun an va zoh cu aa hngilh mi ah an rel.

Thaithawh ei za hrawngah an va zohthan tikah amah ning te cun an va hmuh than. Zunput chung a si caah an tong ngam lo. An nu le a ta pa rian an tin in an chimh i an va zoh tikah cun chun hrawngah rak thih cang dawh a si. Zunput cungah a thut bu tein a thaw a dih. Zaanlei 4 pm hrawngah a ruak an lak cu a si.

Thlanhmun kong le a hnubik thlah pumhpinak kong cu aa fiang rih ko. Kan cozah in an kan onhning in cawlcangh a si te ko lai. Tantakmi caah nan thlacamnak in kan philh sawh hlah u tiah kan sawm ko hna.

Note: Hmanthlak zeihmanh a um lo caah a remcanning in kan tarmi a si.