Zualko-Tlangvaal No Lian Uk kum (18) Ruak an laak lio von zoh cu lungthin a celh hrim lo mu, Hringtu a nu a celh hrim lo-VIDEO
Ngaihchiatnak thawng-Tuzing suimilam 8:00 PM tlukah Taungzalat 3 a ummi tlangvaal No Lian Uk kum (18) nih ruah lo piin mual a kan liam taak tiah kan theih. Amah hi VMBC khrihfabu chungtel a si. Chungkhar ngaihchiat tongmi hna kan in tuarpi tuk hna.
Thawngpang kan laaknak nih a thihnak a ruang an langhter khawh rih lo caah a thihnak a ruang kan langhter chih kho rih lo. Tlangvaal No Lian Uk kum 18 hi sianginn kai liomi a si. Mino te nih a tu bantukin mual a kan liam taak cu sian a um hrimhrim lo.
A ruak zong a lum ngaingai. Atu lio cu Covid-19 zawtnak a um lio a si tikah, mibu pumhton an kham tikah, ruak humtu an tlawm te lai tiah kan ruah. Asinain, ruak humtu an tam taktak. Innchungkhat in an um hnuah, inn chung hmanh nih a tlum hna lo i inn lengah an ṭhu rih hna.
Cun,tlangvaal No Lian Uk kum 18 a sianginn kai ṭi hawi zong, ruak humnak ah an rak chuak ve. Atu bantukin kum 18 te lawng a si rihmi kan naupa No Lian Uk nih mual a kan liam taak cu kan ngaihchia i tuar a har tuk hringhran. Tantaakmi chungkhar Bawipa nih an ngaihchiatnak hnem ko hna seh! Chirhcha: Van Bawi Lian