Zualko: Tlangvaal Ngun Thawng Thang Nih Ruah Lo Piin Mual A Kan Liam Taak

Chin News

Falam, Lailun sang i CCIT tili ah ti a liomi tlangvaal Salai Ngun Thawng Thang (kum 19) cu tuni (June26) chun suimilam 12 hrawngah a nunnak a liam tiah Cozah thawngzamhnak zung nih a tarlangh. Salai Ngun Thawng Thang (kum 19) hi Pu Hrang Tin Lian fapa a si i a hawile pathum he ti an lio i atu bantukin vanchiatnak a ton hi a si.’

Tuchun ah Tedim peng, Dimpi khua ah India in a rak tlungmi, an khua i Facility Quarantine an chiahmi pa (kum 31) cu a hmunnak hmun ah tuzing suimilam 9:0Am hrawngah a nunnak a liam tiah theih a si. Cun, a nunnak a liampi pa hi Malaria zawtnak a ngei ciami a si tiah kan theih fawn. A ruak hi tuni ah vui a si. Credit:Sianglianuk Hmingte Kianghrol (CTM)

Tuchun Thawngpang

1. Minak ttanhtu pawl Black Lives Matters pawl nih lamzawhnak an tuah hnu in US meithal Ikahnak a let tampi in a karh. Kan hnu May thla chungah minung 59, April thal ah 26, March thla ah 25, February ah 20 an thi. Asinain June thla chungah meithal I kahnak in minung 1079 an thi cang. Black Lives Matters pawl lamzawhnak ruangah democrats pawl le minak pawl nih police pawl cu an huat tuk hna i fund an chah hna caah police pawl cu an con, hlan bantuk in an rian felfai tein an tuan duh ve ti lo. Mah ruangah atu bantuk in meithal kah a karh khunnak a si an ti.

2. US president hlun a simi, George Washington, Thomas Jefferson le Andrew Jackson lungphun le milem a hrawktu black lives matters pawl cu FBI nih an kawl cuahmah lio hna a si, a rauh hlan ah kan tlaih khawh hna lai tiah President Trump nih nizan press conference ah a chim. Black Lives Matters pawl nih hlan lio US president pawl lawng si loin Bawi Jesuh milem zong kan hrawh ding a si ko” tiah an hruaitu Shaunking nih naite ah a chim.

3. South Dakota state , Mount Rushmore tlangpaar lungpang cungah US president hlun pali, George Washington, Thomas Jefferson,Teddy Roosevelt le Abraham Lincoln milem an sermi cu Black Lives Matter asiloah Native American pawl nih meithal in an kah. July 4, US independence Day paoh ah mah ka zawn ahcun fire work an tuah tawn. President Donald Trump zong July 4 ah khin Mouth Rushmore Independence hman a tim. Native American pawl nih President Trump cu sandahpiah hnawh an timh ti a si. Native American pawl le minak pawl nih hin hlan lio ah Mirang pawl nih an kan sersat an ti I, US flag an khangh, confederate he a pehtlaimi lungphun, milem le flag poahpoah hrawh an I zuam. US ram a sersiamtu hna, founding father pawl cu a huat bak in an huat hna.

4. US khualipi Washington D.C [ District of Columbia ] cu Democrats pawl ni state pakhat in cohlan dingah tuchun ah house ah vote an thlak cang lai. House ah hin democrats pawl cu mi tam deuh an si caah a cohlan, an pass khawh lai nain Senate ahcun Republican party palai an tam deuh ve caah an pass kho lai lo. Distric of Columbia khua cu kum 230 a hlun cangmi khua a si. 1993 ah state ah ser an rak timh nain Republican pawl nih an rak duh lo. A ruang cu District of Columbia hrawng I a ummi mi dam deuh cu minak an si caah democrats khua ti khawh a si. State pakhat in an cohlan ahcun Senate palai minung 2 an ngah ahcun democratic party thawnnak asi lai an phan caah Republican party nih an duh lonak a si.

5. US ah rian ngei lomi 47 million kan um cang. Kan hnu zarh chungah 1.48 million nih rianngei lo covo, unemployment benefits an sawk tiah department of Labor nih tuchun ah an thanh.

6. Coronavirus thlangrai in US ah minung 121,000 an thi cang. A zaw balmi 2 million renglo an si. Zawtnak an test cangmi 28 million an si. A dam thanmi 760000 renglo an si. October thla tiang ah hin minung 180000 an thi kho men tiah an zumh. Black Liver Matters pawl lamzawh ruang le state kip in on an thawk cio caah Virus hi a thar in a karh ngaingai ti a si. A hlei in Texas, Florida le California ko ah a karh ti a si. Credit: Salai Lairamthang

Leave a Reply