Zualko: Tedim Ah Nupi Hal In A Kal mi Motor Pakhat A Let I Minung 6 Nunnak A Liam.

Chin News

Tedim Ah Nupi Hal In A Kal mi Motor Pakhat A Let I Minung 6 Nunnak A Liam. Chin ramkulh chaklei Tedim peng ah nizan October 7 ah nupi hal ding in a kal mi hna motor cu aa let i motor chung cuang mi minung 6 nunnak a liam.

Thalmaul khua in Tedim khua ah nupi hal dingin a kal mi motor cu a kir lei ah aa let i, motor khaltu telh in motor aa cit mi dihlak nunnak a liam dih, tiah tualchung mi hna nih Zalen ah an chim.

“Tlangval pa chungkhat hna nih a nungak nu chungkhar hna cu nupi ca ah va hal dingin an kal i an kir lei, khua a muih cang hnu ah motor cu horkuang ah a tla,” tiah tualchung mi pakhat nih a chim.

Aa ṭhi-um ding hi nihin October 8 ah Malaysia ram EBC KL Biakinn ah ṭhitumnak tuah ding an si, tiah a chim chap. Atu bantuk in chiat an ton ruangah an i ṭhitumnak puai zong an ṭhulh rih, tiah theih a si. Credit: The Chin Post

Leave a Reply