Rest In Peace Sr.Caroline Hmun Bawi (SJA) Sr. Caroline Hmun Bawi (61) cu tuzing sml 8:10 am ah a sertu Pathian sinah a kan dinhtak cang. A zawtfah lio ah a cawng hramtu SJA Sister hna le a unau chungkhat rualchan cingla hna, thlacamnak in siseh ngeihchiah chawva in siseh a bawmchantu vialte nan cungah lawmnak tampi kan ngei.

Sister Caroline siizung a umlio ah Catholic zumtu hna caah a biapi bikmi sathauthiang thuhnak (Anointing of the sick) Sacrament a petu Bishop Felix Lian Khen Thang (Bishop of Kalay Diocese) cungah lawmhnak tampi kan ngei. Genesis 3:19 “Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

A konglam tlawmpal: Sr. Caroline Hmun Bawi (SJA) cu nizan May (4) ni ah Royal City siiinn, Kalaymyo ah an chiah i a zunthlum le thithlum le kalzawtnak(ဆီျးို သွေးချို ကျောက်ကပ်) a ngeimi a si. Amah hi 2006-2008 tiang Hakha ah a rak um i Sister in charge le St. Thomas boarding school ah hruaitu dirhmun in ṭuanvo a latu a rak si. Atu hi St.Joseph’s Convent, Kalaymyo (St. Mary’s Cathedral compound) ah Sister in charge dirhmun in ṭuanvo ngeitu a si. Asinain tuzing atubantukin mual a kan liam taak. RVA Hakha Chin