Pa Duh Tlun (Kum 45) Nih Mual A Kan Liam Taak. Pa Duh Tlun cu 11 March 2020 zing ah a ihnak ah a ruak in an va phawh. Pa Duh Tlun hi Thantlang peng, Zahnak tlanghrawn, Ruakhua khuami Pu Zung Kam le Pi Bil Thai hna i an fapa a si. New Zealand ram, Wellington khua ah 2009 ah a rak phan mi a si, a tu bantuk in ruahlo pi ah a kan liamtak hi cu kan ngeih a chia tuk cio. Tantak mi chungkhar sahlawh cingla rualchan vial te Bawipa Pathian nih in hnem hna seh, thla kan in cam piak hna.

Pa Duh Tlun, Thih Ni: Wednesday, 11 March 2020
+ Ruakhumh Caan: 10am to 11am (Saturday, 14 March 2020)
+ Ruakhumhnak Hmun: Whenua Tapu Crematorium Chapel, Porirua, New Zealand
+ Ruakvui Caan: 12pm (Saturday, 14 March 2020)
+ Ruakvuinak Hmun: Whenua Tapu Cemetery, Porirua, New Zealand

Pehtlaihnak: Pu Dawt Tha Lian (021 165 8178)
Pu Cung Uk (021 202 0774)

Thawngpang dang rak rel chih: Par Za Iang (Miss NZCC 2020) Nih A Laksawng CNF Caah A Pek. New Zealand ram, Wellington khua ah tuahmi Avoi 72nak Chin Miphun Ni & Kumthum Voikhat Tonnak ah Miss NZCC 2020 caah thim mi Par Za Iang nih a laksawng hmuh mi dihlak CNF caah a pek.

“Salai Thla Hei nih a tulio CNF an dirhmun a kan chimh mi nih ka thinlung a ka suk tuk hringhran. Kei vial New Zealand ramttha ah herhbaunak um lo tluk in siangin ka kai, ka duh mi course tthattha ka cawng kho. Cu lio ah ka miphun hawi, keimah tthirual tete a si mi CNF an fa le vial thingtang ramtang ah har ngai in khua an sa ti thawng ka theih tikah ka lung a faktuk. Mah ka laksawng tehi a zeitital in an caah a tthahnem ve ko lai tiah ka pek” tiah Miss NZCC 2020 Par Za Iang nih a ti.

Kum 17 lengno Par Za Iang hi New Zealand ram, Nelson khua ah a nu le pa he khua sa cuahmah lio mi a si. Nelson College for Girls ah Grade (tang) 12 a kai cuahmah lio a si. Chawlehthal (business) lei a uar ngai mi a si. Pathian nih lam hruai in a saduhthah tlinter seh law hmailei ah Ram le Miphun nih bochan mi nusalttha si ko seh. Note: New Zealand Chin Community (NZCC) cu local Chin communities pathum: Auckland Chin Community, Wellington Chin Community le Chin Community of Nelson hna komh in 2008 ah rak ser a si. Credit: New Zealand Chin Community