Zualko: Nungak Dim Lam Cing Nih Mual A Kan Liam Tak Ee

Chin News

Ngaihchiatnak thawngpang: P Gin Za Sian le Pi Awi Khan Vung (fam) te hna i an fanu upa bik nungak Dim Lam Cing cu a luancia kum (3) hrawng ah khan T.B (Tuberculosis) zawtnak a rak ngei. Cuticun caan saupi cu zawtnak nih a temtawn hnuah tuni ahkhan mual a kan liam tak ti kan thawng kan theih cu ngaih a chia hringhran.

Image may contain: 1 person, standing, outdoor and nature

Tukum kum hramthawk hrawngah khan a taksa a derthawm ngaingai cang i atulio boruak a hung lum tukmi hi cheih hlah sehlaw a dawh. Tuzaan lei suimilam 4;00 Pm hrawngah mual a kan liam tak hi a si. A kal takmi chungkhar hna Bawipa nih an ngaihchiatnak chungin hnem hram ko hna seh! A chuahmi unau hna cu, upa bikah amah 1. Dim Lam Cing, 2. Vung Lian Pau, 3. Cin Suan Lian, 4. Kap Sian Mung, 5. Niang Sian Hnem, 6. Hau Lun Dim hna hi a unau chuahpi hna cu an si.

Image may contain: 1 person, standing, outdoor and nature

Nungak Dim Lam Cing ruak cu a ralaimi thaizing April 5, 2020 zinglei suimilam 11:00 am ah a ruak cu vui a si lai. Thawngpang dang theih a herhmi a um sualsan ahcun a si khawhnak in thanhtthan khawh kan rak izuam lai. Tantakmi a chungkhar unau rual hna caah thlacampiak cio hna usih! Keimah Tluangi Pa

Atulio zawtnak Covid-19 kong he pehtlai in US ummi Salai Z T Lian nih a tialmi rak rel chih ve.Covid-19 zawtnak le DFW area Laimi riantuannak company cheukhat thawngpang. Tuzarh ninga ni ah khan Western Extrusions (Carrollton ) ah Covid-19 zawtnak a ngeimi an hmuh tiin email a ka kuatu nih a ka thanh. A min cu kan thanh kho hna lo nain zumh tlak minung bak a si. Mah company riantuantu minung pahnih sinah thawngpang hlet hnu ah email in thawngpang a ka pekmi hi a hmanmi a si ko tiin fianternak kan rak tuah hna. Nai zongah khan Laimi tampi tuannak Kraft foods company (Garland, TX) ah riantuanmi pakhat cu Covid-19 zawtnak an hmuh ve ti a si.

Covid-19 zawtnak hi kan kiangkam a phanh cuahmah ve cang caah iralring thiam taktak le humhimnak caah hma biatak tein lak kan hau cang. Laimi tampi tuannak a si caah ahleice in iralring thiam kan hau,abikin ngandamnak tha lomi le tar ngeimi hna ca hrim ah iralring taktak kan hau. A herh lo ah i lengkai lo ding, kut tha tein i tawl pah lengmang ding a si lai.

Cun, na thawchuah na harh, na khuh na khuh ,na tak a linh le na hrom a fak ahcun Covid-19 zawtnak na ngei maw/ lo tin na chek ah a tha. Na cheknak thawngin nangmah le nangmah ihumhim lawng silloin na innchungkhar le na kiangkam zong hi zawtnak in na luatter khawh hna. Cucaah Covid-19 zawtnak phun hna na pumsa cungah a lang sual ahcun zangfahnak tein vai chek hrim teh.

I chek khawhnak hmun pawl cu: Dallas County um pawl caah Covid-19 zawtnak i chek khawhnak hmun pawl : 2500 Victory Avenue in Dallas le (2) 9191 South Polk Street in Dallas. Lewisville khua um caah Covid-19 i cheknak hmun pawl cu (1) 701 South Stemmons Freeway, Lewisville, TX 75067 le (2) Prime Care Medical Center, 540 Surf St. Lewisville, TX 75067 hi an si.
A cheknak man hi free a si.

Leave a Reply