Ngaihchiatnak thawng: Malaysia ah ummi Pydawtha khuami Suante phun Pu Nang khen Khai le Pi Do lam Niang hna i an fapa Tlangvaal Thang Za En (Kum-23)cu Hniang 2020 ni 06 ah khan a Boss te nih an pek mi inn khan Sri petaling sang a inn ah chung lei dam lonak ruangah a nun ngeitu Pa Pathian sin ah a kan dinh taak cang.

Tlangvaal Thang Za En ruak cu a chungkhar hna duhning te in Kawlram leiah kuat ding in khua an khan cuahmah liopi a si. Tlangvaal Thang Za En cu Malaysia a ummi a si. Amah hi kum no te lawng a si rih i, chunglei dam lonak a ngeih caah atu bantukin mual a kan liam taak hi a si. Chirhchan: ZAM

Thawngpang dan rak rel chih; By Salai Lairamthang: Cozah Bawmhnak Kan Hmu Deng Maw? White house chief of staff Mark Meadows, Secretary of Treasury Mnuchin, Democrats Senate leader Chuck Schumer le House Speaker Nancy Pelosi hna cu cozah bawmhnak kongah nichiar te tonnak an ngei nain tuchun tiangah kap hnih lungtlinnak an ngei kho hlei lo.

“Thaizing tiangah biachahnak kan tuah khawh lo ahcun hmai zarh chung zong congress meting ngol loin kan pehzulh lai” tiah Senate Republican hruaitu McConnell nih a chim. A tlangpi in kaphnih lungltinnak a ngeihmi cu, avoi 2nak bawmhnak chek minung pakhat $1200 le fale minung pakhat ah $500 timi kha cu an lungtling, a tam hmanh a tam deuh kho.

Republican Senator Marco Rubio hruainak in Senator minung 5 nih ngakchia cu minung pakhat ah $1000 tiang ngah dingin bill thar an chuahpi. An lung a khah khawh lonak phaisa phawtzamhnak kongah a si. A tlang pin in State cozah bawmhnak, federal cozah nih zarhkhat ah $600 chapmi bawmhnak le sianginn onnak caah fund peknak kongah a si. President Trump nih kap hnih hnatlaknak tuzarh chung in a ngeih khawh lo ahcun rianngei lomi zarhkhat $600 chap chihmi cu executive order chuah in ka pek hna lai” tiah a chim.