Zualko: Malaysia Ah Pi Sang Hlei Tlem Nih Mual A Kan Liam Tak Ee A Poi Tuk Hringhran

Chin News

Zualko: Malaysia ah ralzaam dirhmun in khua sami Lai Christian Church khrihfabu nubu hruaitu mem a simi Pi Sang Hlei Tlem nih (48) nih April 13,2020 zaan suimilam 11:57pm thihlum le thinphing zawtnak in Malaysia Hospital ah mual a kan liam tak ee. A poi tuk hringhran taantakmi chungkhar Bawipa nih an ngaihchiatnak chungin hnem hram ko hna seh!

Cun Nu Sang Hlei Tlem hi fa pathum ngeimi a si i a pasal cu Pu Lawng Cung Nung a si i a pasal le a fale pathum cu nizaan ah mual a liam tak hna hi a si. A fale hi fanu pahnih le fapa pkhat an si hna. Pi Sang Hlei Tlem hi a hlan tein a rak dam lo cangmi a si. Nai zarhte chun (April 11, 2020) ah khan a dirhmun a hung zual deuh i sizung ah kalpi a si.

Zaangfak ngaingai a simi pakhat cu atulio cu Covid-19 zawtnak hrik a um lio a si caah sizungah cun a chungkhat zong nih an riahpi kho lo i amahte lawng sizung ah cun a cuticun arak um. Cun hringtu a nu sizung a kalpitu a fanu pakhatte cu atulio zawtnak rungah Taxi a service mi zeihmanh a um lo ruangah le santlaipi a si cang ruangah a nu pawngah it kho loin sizung lengin zaan khuadei te anu cu rak umpi.

Pi Sang Hlei Tlem Laitlang lei a khua cu Cicia khuami a si. A poi tuk hringhran. A kal taakmi a fale pathum le a pasal Bawipa tu nih hnem hram ko hna seh! Ruak vui caan ni le caan tu cu biafiang zeihmanh a um rih lo caah theih a si rih lo. Thawngpang dang a um cun a si khawhnak in thanh khawh kan rak izuam tthan lai.

Leave a Reply