By Salai Z T Lian

Dallas thihdar. Dallas Chin Baptist Church (DCBC) nih kan i bochanmi kan Khrihfaupa, Thantlang Farrawn khuami Pu Tin Ceu (kum 51) nih nihin November 26, 2020, 4:00am (Thursday) ah hi vawlei nunnnak in a kan liam tak.

Amah hi Covid-19 zawtnak in September 14 ah Methodist Dallas Medical Center, ICU ah thlop a si. Covid-19 zawtnak cun a thiang cang nain a cuap le a kaal damh khawh a si ti lo caah ni 74 chung ICU ah a um hnu ah a kan liam tak hi a si. Fanu pakhat le fapa pahnih a roh tak hna. Thlacamnak in rak kan bawm cio u tiah thawng kan in tthanh hna. December 5, 2020 (Saturday) ah ruak vui cu a si te lai.

Pehtlaihnak:
Rev. Ngun Awi: Ph. 214-316-1721
Rev. Daniel That Lian: Ph. 469-456-3538
Pi Khuang Zi (Tialku nu): Ph. 469-709-0223

Nan ttuan hawi,

Daniel That Lian

Assistant Pastor

Dallas Chin Baptist Church

9850 Walnut Street

Dallas, TX 75243

COVID-19 Vaccines Theihtlei

Vaccine timi cu na pum chungah rungrul (virus) a luh tikah a rak thattu antibody kan timi a chuahter tu asi. Antibody cu COVID-19 a ngei ciami nih an ngeihmi a si. Cucaah, COVID-19 in a zaw i a dammi nih antibody aa telmi an thi phunkhat (plasma) kha COVID-19 in a zaw cuahmahmi an pek hna tikah damnak an hmuh tawnnak a si. Tuni tiangah America ah hman khawhmi COVID-19 vaccine a chuak rih lo nain Operation Warp Speed hruainak in kum 2020 a dih hlan ah pakhat tal cu chuah khawh a si hrimrhim ko lai tiah an thanh.

1.COVID-19 Vaccine cu chuak sehlaw kan zuum in kan I chunngam kun lai maw? OWS, HHS, CDC, FDA, le Health Department tbk.. Ngandamnak lei tuanvo ngeitu dangdang nih tha tein an tawlrel cuahmah lio pi a si. Silei thiamsang hna nih tha tein an check dih hnu ah Minung caah ral um lo tein COVID-19 a khamh khawh ko tiah an fehter (confirm) hnu lawngah chuah le mipi pek a si lai caah i chunh ngam ding a si ko.

2.COVID-19 Vaccine nih COVID-19 zawtnak Lila a ka pelai maw? Pe lai lo! Sinain Vaccine na chunh tikah na taksa kha a phing, a sen, in a fak pah kho. Cun na tak Lin in na lu a fak kho. Sinain na pum ah Vaccine naa chunhmi rian a tuan tinak hmelchunh an si caah thinphang ding asi lai lo. Ni tlawmpal ah an lo than ko lai. Na thinphan sual ahcun Sibawi te sinah kal khawh a si.

3.COVID-19 Vaccine nih zeidah a Chuahter khawh (SideEffects)? Vaccine a chuak hmasa bik mi a fian in fiang deuh in langh ter si te lai. Lufah, taklinh, le chunhnak taksa phin, sen ti dah lo cu a dang cu fiang in thanh a si than te lai. Si nih kan pum cungah a chuah ter khawhmi thil dangdang (Side effects) hna zong minung kan caah a him maw him lo timi vialte zoh dih le hlathlai dih hnu ah si cu chuah a si lai.

4.Hodah COVID-19 Vaccine cu pekhmasa asi lai? US cozah nih American mipi vialte za in vaccine chuah a duh ko nain i zat lo a si sual ahcun mi thim in pek a si te lai. Zawtnak ngeih a fawi deuh cang mi u-tar, zawtnak dangdang a ngeimi, le sizung ah mizaw a zohkhenhmi sizung rianttuan tu pawl hi pek hmasa cu an si te lai.

5.COVID-19 in ka zawbal I antibody ka ngeih ko ah tah Vaccine cu chunh ka hau kun lai maw? Na hau ko. Zawtnak ngeih tthan khawh a si caah na pum chung a um ciami antibody nih zei can tiang COVID-19 in an khamh khawh kha theih khawh a si lo. Atu i vaccine a chuak lai mi zong nih zei can tiang an khamh khawh lai ti cu hlathlai cuahmah lio a si.

6. Vaccine cu voikhat chunh ah a zalaimaw? Vaccine hi voi hnih chunh a hau lai. Zarh khat hnih dang in chunh a si te lai. Voikhat chunh dih in Sibawi te nih chunh tthan ni le caan chimh a si te lai.

7.Vaccine chunhhnu ah tah ka zawkho lai maw? Vaccine naa chunh hnu zongah na zaw kho thiam ve ko. Tahchunnak – tlangrai khamhnak (Flu Vaccine) kan I chunh ko buin a can ahcun kan zaw tthiam I a can ahcun a kan khamh ko. Cucaah, Vaccine na chunh zongah hmai huh, kut ttawl, le pe 6 dan in (social distance) mipi he um tibantuk CDC nih chuahmi Guidelines ning tein zulh a herh peng rih.

Note: Hi ca hi siaherhnak he CDC charhchan in a tawi fiannak in ttialmi a si.

By- Venus Par Registered Nurse (Chin Cable Network Channel)