Zualko: Chin-Burmese Dictionary A Chuahtu Saya Sui Sui Kyaw @Capt. Than Lung Nih Mual A Kan Liam Taak

Chin News

Chin-Burmese Dictionary a rak serchuahtu Sui Sui Kyaw @Capt. Than Lung kum 68 nih nizaan July ni 5 zaanlei suimilam 5:ooPm tluk hrawngah mual a kan liam taak tiah thawng kan theih.

Amah hi Bokyi Thet Zin ti zong in an theihmi le auhmi a si i Kalay Peng Natchawng khua chak i Zicu khua ah a ummi a si. Saya Sui Sui Kyaw @Capt. Than Lung kum 68 ruak cu tuzing suimilam 11:00Am tluk an vui.

Amah hi Kawlca in cauk 40 renglo a chuah cangmi a si i Believers Bible Commentry le cauk dang tampi (English to Burmese) cauk 100 renglo a lettu le a chuahtu zong a si. Cun, FBC-Yangon i an chuah lengmang tawnmi Vankau Arfi Magazine ah ca a rak tialtu a si.

Atu bantukin bochanmi kan pakhat nih ruah lo piin mual a kan liam taak hi cu kan siang ve hrimhrim lo. Zeiruang bik ah dah a thih ti belte cu fiang tein langhter a si rih lo. Tantaakmi chungkhar Bawipa nih hnem hram ko hna seh!

Leave a Reply