Brea king News: zingka ah Halkha hmunkhuar ralhrang hriamngan kahmi nih Pi Cia Hnem te Inn an Coka a khen caah , Pi Chia Hnem a nunnak a liam tiah theih si. Taantak mi chungkhar le khuami Bawipa nih inhnem ko hna sehlaw. Credit: Salai Williams Hlawnceu

Thawngpang dang: Tlaih a tongmi Myanmar rammi hna caah NUG nih Malaysia ramdang lei zung nawlnak a tuah. Malaysia ram August 9 zinglei ah tlaih a tongmi Myanmar rammi hna kong he pehtlai in NUG nih Malaysia ramdang lei zung ah nawlnak ca a kuat tiah a thanh.

Tlaih a tongmi Myanmar rammi 170 leng cu Malaysia JIM hruainak in an tlaih hna i an umnak Myanmar ram ah kuat ṭhan ding an timh hna caah thinphang in an um tiah a chim. NUG ramdang lei zung nih cu kong he pehtlai in a caan chung te ah ka tawlrel lai tiah thawng a thanh.

United Nation High Commissioners for Refugees (UNHCR) cazin ning ahcun Malaysia ram ah aa rak dormi ralzaam 181,000 an um i cu chungah 85% hi Myanmar rammi an si i Rohingya ralzaam 103,000 an i tel tiah a chim. Malaysia ram ah phunglut lo ramdang rianṭuantu 2 million leng an um i cu chungah Myanmar rammi hi sing tampi an um tiah ruahdamh a si, cu chungah phunglut lo in a ummi tampi zong an um.