Zual Ko! Pi Sui Hnem Nih Mual A Kan Liamtak

Chin News

Kan hngalh cio cang bang in ICBC chungtel a si mi Pi Sui Hnem (78) cu July 12/ 2022 zaan ah takpum damlonak in mual a kan liam tak. Khrihfabu, khuami le chungkhat kan ngaihchia hringhran. Taantakmi chungkhar ṭhutpinak le ruak humhnak cu a tanglei bang in a si lai. Ṭhutpinak- Thursday (July 14/ 2022) – 7:00pm – Indiana Chin Baptist Church- 8528 Madison Avenue- Indianapolis IN 46227

May be an image of 1 person and text that says "IN LOVING REMEMBRANCE Memorial Service July 14. 2022 7:00 7:00PM ICBC Funeral Service July 15. 2022 1:00 PM 3:00 PM ICBC Burial Service 3:00 PM Round Hill Cemetery 5235 Meridian St. Indianapolis, IN 46227 Pi Sui Hnem SEPTEMBER 20, 1947 JULY 12, 2021"

Ruakthlah Caanhmannak – Friday (July 15, 2022)- 12:30pm – 1:00pm (Body view)- 1:00 pm -3:00pm (Funeral Service)- 8528 Madison Avenue, Indianapolis, IN 46227, Thlanhmun Round Hill Cemetery 5500 S. Meridian St Indianapolis IN 46217 Pi Sui Hnem i a konglam cu ṭhutpinak ah chim le thanh a si te lai. Zuunngaih Par le a dangdang pehtlaihnak Rev. Hrang Cung Hnin (317) 986 – 0760 Pastor Biak Ṭha Hnem (317) 998 – 3384. Credit ICBC

Thawngpang dang: Mizoram, Champhai Motor Ngeitu Hna Nih Myanmar Leiin A Lutmi Thilri Pohpoh An Kham!: Mizoram, Champhai District Motor Ngeitu Phu(CPDLIP) hna nih nizan June 13 khan Myanmar lei in thilri a lutmi pohpoh an kham i, rikhiah caan um loin an kham lai, tiah theih a si. Motor ngeitu Phu(CPDLIP) nih cun Champhai thilri chiahnak kudawng(godown) i kuva thei hna cu kala ramri Vairengte khua tiang zalongte in phorh khawh an duh caah Kuva thei phihkham duhlonak an langhter.

Motor ngeitu hna nih cun, Myanmar leiin phung ning loin thilri a rak lutmi hna lakah kuva thei lawng phihkham timhnak a um caah cu timhlamhnak cu Champhai mipi thleidannak le Champhai mipi phaisa luhnak phihkham duhnak lungput a si, tiah an chim. “Mizapi nih nifatin kan herhmi eidin le thilri dang a lutmi vialte zong hi phung ning lo in a lut mi an si caah phungning tein a kal kho lo, ti hi mizapi nih thei hna sehlaw kan duh, harnak kan tonmi hi Mizoram mipi nih a ruahzia nan thiam ṭheo lai, ruahchannak kan ngei,” tiah motor ngeitu phu hruaitu pakhat nih a chim.

Ramri lonh in chawlehthalnak cu cozah theihpinak in, phungning tein a kal khawh nakhnga Motor ngeitu hna nih cun an duh kong an chim i, “Felfai deoh i chawlehthalnak a kal khawh nakhnga duhlonak langhter kan si,” tiah an chim. An hmalaknak cu phung ning lo i a lut mi thilri le rithaisii phihkhamnak ah palik bawmchantu a si tiah an ruah kong zong an chim fawn.

Cupinah Motor ngeitu phu hna nih cun Mozoram palik cu rithaisii phihkhamnak kong ah an zumh/bochan hna kong an chim i, sinain Assam rifle pawl nih an duhnak hmun poh ah duty post an tuah mi belte cu mizoram mipi zei rellonak ah an ruah kong an chim. Assam rifle hna duty post cu cozah nih fek tein tuahpiak hna seh, tiah an duhnak an langhter.

Mizoram chaklei tlang, Champhai District hi Myanmar leiin Kuva thei luhnak hmunpi a rak si nain tukum hramthok ah khan Champhai DC hlun Pi Maria CT Zuali le a ṭuanpi hawi hna nih phungning loin a lutmi Myanmar kuva thei cu an rak tlaih. Cu hnu in Mizoram cozah nih phihkhamnak a tuah caah kuva thei cu mizoram ah phorh khawh a si ti lo i, Champhai kudawng ah cawlcaang kho lo in an taang, tiah theih a si. Kuva thei luhnak ah hlawknak a hmutu Champhai motor ngeitu hna nih cun buainak hramthok tein media ah duhlonak an rak chim len tawn nain a tak ah langhchuahter cu a rak um bal lo. Caan saupi a liam hnu ah atu bantuk in Kuva phorh in rianṭuantu Motor ngeitu hna nih duhlonak an langhter. Credit: The Chin Post

Leave a Reply