Catialtu: Rual Hei Thang Fk. Fawi tein a phi chah khawh lomi, laimi tampi nu he pa he a kan hrok khotu le ,zungzal nunnak kan thlarau ca tiang a hrok khotu zu hi a dingtu maw Sual deuh, a zuartu si lo ah a serchuahtu hi dah?

Kei ka ruahnak ka chim lai i na ruahnak chim ve ko. Zu hi Pathian sermi, serlo mi ti cu ka chim lai lo. Nain Pathian nih zeizong vialte hi aser mi asi ti cu kan zumh cio lai dah. Pathian nih zeizong vialte aser lio hna ah hin zu ti bantuk Kuak khaini ti bantuk, vanlawng te hna phone te hna thil dang dang, Minung nih kan sermi hna hi Pathian thilser mi an si lo tiah ruat usih law Kan palh sual hnga maw, Khah sernak kong cu ta khan um rih seh.

Zu cu amah um tein um ko seh lawding hlah usihlaw Kan caah zu hi a buainak le thil tha lo a chuah pi lai loh,.. Kuak zu lomi caah kuak a herh lo, Dawr ah khat tung in a um ko nain a hmang duh lomi hna caah cun cawk a hau lo. Cu caah cun a fawinak in zunak in a dingtu hi kan bia pi deuh. Zu duhmi caah cun Zarhkhat rawl ei lo nakin voikhat zu din lo kan celh lo deuh ka ton tukmi asi ve. A ding ti lomi hna caah cun Zu hi zeitluk in dah a chiat ti theih khawh taktak a si lo.

Tahchunnak ah ti hal tuk lio ah cun chawl thu nih a thlak hnawhmi bungkur ti te hmanh kan mit a thi i din zawk lawng kan duh, sinain ti a hal ti lo tikah cun Tiva pi ti hmanh mit thit awk kan thei ti lo. Cu caah A dingtu hi kan sual deuh ko ti hi ka chim duh nak asi, a din thiammi hna caah cun, a sual lo, ram dangmi vialte bawi he chia he an din ko tung, din thiam ahcun a sual lo timi hi cu zu hal kan ngeih caah asi. Phun dang in chim ahcun zu nih a lem, monh cangmi hna an si.

Cu caah zu hal/ lem kan theih ti lo nak dingah cun lam pakhat te lawng lawng a um, lam tampi ko na ti men lai, khi lam tampi na timi cu Nangmah khuaruahnakl e duh thimnak a si ve ko. . lam pakhat te a um mi cu Jesuh khrih he Lungthin tak tein i pehtlaih lawng lawng hi asi… 2cor 5:17. Mi zeihmanh khrih he an i pehtlaih ah cun mithar asi, a nunning hlun kha a lo cang, nunning thar kha a thawk cang a ti. Nang nih teh zeitin dah na ruah? Tlerlungthawng

Note: Hmanthlak khi Google ta kan lakchinmi a si.