Zomi Party ZCD nih Ralkap UEC He Ton Ding aa Let Than Ralkap nih a sermi Union Election Commission (UEC) he ton ding in timhtuahnak a ngeimi Tedim ramkhel party ZCD nih Ralkap UEC he ton ding timi an i let tthan tiah theih a si.

Mipi nih ZCD cung ah soiselnak le duhlonak tampi an chim pin ah nihin zinglei ah Zomi mino pawl nih ZCD chairman a inn ah an vung kal hnawh i, ralkap UEC he tonnak ngeih lo ding in an hal hnu ah “Ralkap UEC tonnak ah kan i tel tthan lai lo” tiah ZCD Chairman nih a chim. Ref: Chin World & The Chin Journal

Relchih: Tulio Kawlram CDM cawlcanghnak nih vawlei pi a hninh ti awk a si. Vawleicung media kip nih an chim an tial. Sikan an ngeihning an i ttanrual ning an ralthat ning chun ah sandah an piah zan ah kiam an cong. An tha a ba hrimhrim lai. Inn duah motor khangh thilfir le dawr bauhmi pakhat hmanh an um lo. Black Lives Matter (BLM) cawlcanghnak cu an tei cikcek hna. 2021 Nobel Peace Prize zong an ngah lai tiah zumhnak ka ngei.

Atu bantuk caan i CDM a lut duh lomi pawl cu democracy le federal kan ngah tik ah an ningzak te hnga dek maw? ramleng ummi hna nih kanmah le kan ti khawh tawk cio in bawmh khawh i zuam hna usih. Zahan zan Hakha mino pawl an cawlcanghnak le an ttanrualnak ka hmuh ah ka lunghmui taktak khi a si. Upatnak ka pek hna. Credit: By Salai Lairamthang