Zohchuntlak Laipa Zung Kip Thang Cu Upat Peknak Le Conglawmhnak An Tuah Piak Lai

Thawngpang

Kalaymyo, Taungzalat ah a ummi GCEC Private Middle School nih Chin pasalttha taktak a simi Salai Zung Kip Thang cu sunhlawihnak an pek lai tiah theih a si. Lawmh a um tuk hringhran i a phu ve hrimhrim ko. Hikonghe pehtlaiin GCEC sianginn ngeitu Josiah Mang Lian Tlung nih a chimmi cu ” Salai Zung Kip Thang hi sunhlawih upat tlak taktak a si. Siangngakchia hna nih a lungput hi theiin i cawn ve hna seh ti ka ruangah ka tuah. Sunhlawihnak Ca le tangka kan pek lai. Upat peknak Program cu sunlawi khawh chungin tuah ka tim” tiah a chim.

A chimmi cu ” Atuhi sianginnlei he pehtlaiin rianherh ah Monywa lei ah kan kal lai. Amah Thangte zong Flam ah a um lio a si. Sunlawihnak le upat peknak ni le caan cu kan chim kho rih lo. Asinain ni 15-16 khi kan i tim” tiah a chim chap. Salai Zung Kip Thang hi upat pektlak taktak le sunlawih tlak taktak cu a si ko. Mi ramdang bakin ahawipa caah zumhtlak hawikom ttha a si i a nunnak a liam hnu zongah harsatnak phunkip tuarin a chuahkehnak khua hringtu a nu sinah a ruak aphakpi khawh.

Image result for GCEC Private Middle School

Paralttha zohchun tlak ngaingai a si. Hawikom ttha timi cu hibantuk taktak an si. Mino tampi zong nih a nunning le a umtu ning a lungput ziaza hi i cawn cio hna usih! Salai Zung Kip Thang hi Pu Tha Ling Zam le Pi Nu Za Tin par Tei hna i an fapa 4 lakah upa bik changtu a si. A chuahkehnak khua cu Sekan a si i atu ah cun N. Hmuntha an um lio a si. (CT Media/Cin Pak)

Leave a Reply