$3000 Donation a petu tlangval Van Dawt Thang. COVID-19 ruang ah Malay le India ah Chin mi harsa in an um, AA le cozah tuk thahnak ruang ah Chin ralzam tampi bawmh an herhnak thawngpang tampi rel le theih cio asi.

Tutan ah US ram Michigan State ah a um mi tlangval Van Dawt Thang nih cozah bawmhnak ka hmuh mi chung te in ka unau Chin mi harsa bawmhbak pek ka duh ve hna ati i southern Chin IDP caah CCN sin in dollar $1000 donation a pek mi kan cohlan. Malay le India COVID-19 ruang harsa Chin mi caah $2000 cu Chin Relief Organization sin ah donation a pek tiah kan theih. Mino te nih mah tluk miphun a dawtnak cung ah upat awk a tlak tak tak i CCN zong nih upatnak kan pek.

Southern Chin IDP bawmhnak caah CCN nih Gofundme le a lenglei in donation a hmuh mi cu dollars $6432 asi i Hakha um CCN President sin ah 8827704.32 MMR kan kuat cang. Tuzarh weekend ah a mah pumpak bak nih an herhmi thil va phawtzamh ding in a thawh cang la. A rohhlan ah petu pumpak min list le mi harsa kanbawmh hna ning zong fiang deuh chin chin in update khawh kan rak i zuam la. Chin IDP hi caan sau harsatnak tuar dawh an si caah Gofundme hin bawmhnak cu kan cohlan peng rih ko ti zong thawng thanh kan in duh hna. Petu pakha cio nan cung ah CCN min in kan i lawntuk ti zong chimh kan duh. Gofoundme timi rak hmeh piak law bawmhnak pek khawh a si lai. Credit:  Chin Cable Network Channel