Van Dawt Thang Nih $2000 A Hlut. Covid-19 ruang ah Malay le India um harsa in a um Chin mi chungkhar bawmhnak caah Michigan State, Bettle Creek ah a um mi tlangval Van Dawt Thang nih CRO sin ah $2000 bawmhnak a pek caah lunglawmhnak chim chawk lo kan ngei. Tlangval mino te nih mah bantuk a miphun hawi caah dawtnak le zawnruahnak nganpi a ngeih mi cung ah upatnak kan pek. Hmailei a riantuannak ah Bawipa nih a letza in thluachuahnak pek chin ko seh.

CRO nih Malay ah CYOM he bawmhnak a phawt cuahmah lio asi i Dehli ah CRC he bawmhnak a ti khawh tawk pekchannak a tuah lio cuahmah a si. Dawtnak in nan pek mi chawva cu felfai te in kan in tawlrel piak ko hna. Hmaizarh chung ah report zong tlingte in hmanthlak he langter khawh kan rak i zuam lai. Thank you. CRO Team

Covid-19 kong he pehtlai in thawngpang thar rak rel chih:Mike Pempeo: Tuluk Nih An Sualman An Liam Hau. US ramdang vuanci, Mike Pempeo nih tuzing ABC News interview ah a chimmi cu Wuhan khua in a thawkmi coronavirus cu laboratory in a chuakmi a sinak telhte tampi kan ngei cang” tiah a chim.

Mah Coronavirus cu Tuluk cozah nih a thli tein an zuh termi asiloah accident in a zuhmi dah a si timi cu a chim lo. Pompeo cu US ramdang vuanci a tuan hlan ah CIA timi Central Intelligence Agency ah Director a tuanmi a si. Naite ah coronavirus kong a hlathlaitu le document a tuahtu dossier minung 5 Five Eyes intelligence agencies timi US, Canada, the UK, Australia le New Zealand, ummi nih cahmai 25 a telmi document an chuah.

Mah chungah Tuluk cozah nih thil dik an chim duh lomi, thil dik a chimtu doctor, journalist hna an ka an phihmi hna le website an kharmi kong, Tuluk ram ah lockdown an tuah nain a chuak lei an philh duh lomi, WHO sin ah minung le minung a chonh kho lomi asi tiah lih in report an rak tuahmi, WHO le ramdang mi nih Wuhan khua ah Virus a thawknak kong chek hlatnak tuah an duh lomi vialte zohthan tik ah Tuluk cozah zumh an um lonak a sang chinchin. Mike Pempeo nih Tuluk cozah nih an tuahmi thil cungah aman an liam hau” tiah chim. Credit: Salai Lairamthang