Kan Chin Mino Katie Van Bawi Zi Upat Awk A Tlak. US ram Ohio State, Columbus khua ah nurse a tuan lio mi nungak Katie Van Bawi Zi cu a umnak State ah Coronavirus mizaw caan zei mawzat a zoh hnu ah cozah nih Coronavirus in a zawmi an chahbik nak New Jersey ah hmaisuang in minunnak khamh dingah bawmhnak an hal caah lungtho tein a cohlan hna i nihin ah aa thawh cang.

Zawtnak a hrannak bik New York le New Jersey ah sii lei a ttuan mi tampi nih kal dingin an ttih cuahmah lio ah kan Chin mino te Katie Van Bawi Zi nih dawtnak he mi nunnak khamh dingin ai timhtuahnak cungah upat awk tlak taktak asi.

Cu lawng silo in a nih hi atu lio CYO cawlcanghnak zongah bochan mi mino te asi. A caah thlacamnak in bawm cio hna usih. Thank you for your service and hard work. Chin Cable Network Channel

Thawngdang rak rel chih:Yangon cozah nih COVID-19 a ngeimi David Lah le Khrihfa hruaitu hna tazacuai an timh hna khi David Lah a rem lomi kanmah Khrihfa kan i lawmh awk a si lo, kan i fahsak tuk awk tu a si. Khrihfa kan dihlak namneh/persecution a si.

David Lah phu nih an tuahmi khi tampi i pumnak conference bantuk zong a si lo, chungkhar bantuk in rian a tuantimi minung 20 hrawng chungkhar pumh sawhsawh a si. Hibantuk mibu poah tlaih dih sisehlaw phungki lawng hmanh in thonginn zong nih a zawh hna hnga lo. Phungki cu an ti ngam hoi hna lo.

Suu Kyi nih hi tazacuai kong ah a lung nuam lonak le thildik chuahpi ding tuanvo lak a timhnak kong a Fb ah a hun tial colh than i lung dam deuh. Taza an cuai taktak hna i thong an thlak hna ahcun kan ram mui a chia taktak lai. Credit: Salai Lungthli Tum