Ziah! Hihi CNF Kan Pale Nih An Tuah Awk Asi Lo Maw An Theih Lo Caah Maw Si Hnga?
Pletwah kongah cun CNF hi nucan pacan van ti awk a har ngai ko. Chim duhmi cu AA va dirh onh le ral ituk khi si loin hi bantuk boruak lio ah hin hartongmi Pletwah unau hna sinah CNF kan pa le muihmai va ilangh i kan intuarpi hna timi va langhter le Chinmi dihlak ca i nucan pacan CNF duailo an sinak va langhter khi asi.
Rohinya kongah ASSK daidup in a umsual caah international in au hnawh a tong, ram kip nih a citizen zong an chuh tthan cuahmah, Nobel peace winner pi nih tiah vawleipi theih in au hnawh atong i a donghnak ah kawlram cu ICJ ah tazacuai tiang a tong. Vawleicung pumpi nih ASSK an upatnak cu 20% lawng a tang. Amah ASSK ruangah si maw? A si lo. Atuah hnga ding tu a tuah ve lo ruangah si.
Cu ve bantukin Atu Pletwah kongah CNF kan pa le aw-an le muihmai a langh bak ve lo ahcun Chinmi dihlak nih CNF support peknak lungthin, upat peknak vialte tam tuk a zor ter lai ti hi a fiang taktak i acang colh taktak fawn. Credit: Van Dawt Lian
Thawngpang dang rak rel chih: China Nih Coronavirus Ruang Ah A Thimi Hna Upatpeknak An Tuah. A luan ciami thlali hrawng ah China ram Hubei ramtthen Wuhan in ai thokmi coronavirus ruang ah a thimi minung 3,300 renglo hna upatpeknak an tuah. Hi zawtnak ruang ah nunnak a liammi hna philhlonak le upatpeknak caah minute pathum chung daite in um a si. Tuchun thla 4 April 2020 (Saturday) anmah caan in 10:00 (03:GMT) ah khan ram mipi vialte hna cu anmah le an umnak cio in minute pathum chung cu an dir i philhlonak le upatpeknak cu tuah a si.
Mawtaw, tlawnglawng le tilawng pawl hna zong an horn an tum hna. An thantar hna zong zunngaih langhternak ah a canceo tiang lawng an thlai hna. Hi coronavirus zawtnak hi a hmasabik cu kan hnu kumdongh ah khan Chinese khuapi pakhat a simi Wuhan ah rak hmuh a si. A tu ah cun hi zawtnak a ngeimi hi vawleipi ah minung 1.1 million renglo an si cang. Ram 181 chung ah hi zawtnak ruang ah hin minung 60,000 nunnak a liampi cang hna.
Hi bantuk in China cozah nih philhlonak le upatpeknak an tuahnak a ruang pakhat hi, hi virus dohnak ruang ah ngandamnak lei rianttuantu a thimi hna “martyrs” minung 14 hna caah a si biik. Cu hna chung ah cun Wuhan ah doctor rian a ttuanmi le hi zawtnak in a thimi, mipi ralrin a rak peek hna ruang ah a cozah zong nih an rak mawhchiat phahmi Dr Li Wenliang zong ai tel. Ref: BBC