INDIANAPOLIS AH PU ZO ZAM: Chin Community of Indiana (CCI) nih Avoi 72-nak Chin National Day khualian (Chief Guest) ca i an sawmmi Pu Zo Zam cu tu zanlei February 13 ah damte’in Indianapolis a rak phan tiah theih a si. Pu Zo Zam hi CCI upa pawl nih Lai/Chin thuam he bak Indianapolis Airport ah an va don ti a si.

 

ZIAH nikum ah CCI nih Pu Ngaisak an sawm cang. Tu kum ah Pu Zo Zam tu an sawm ṭhan. CCI hi Chin party pawl lawng maw an ṭanh hna ti i a ruatmi um khawh a si. Ni kum zong, tu kum zong ah CND khuallian caah Chin state Chief Minister le minister dang pawl hi sawm an timh tawn hna nain an rian tam ruang le ramleng tlawn ding an si thiam lo caah Chin party upa pahnih tu a kum peh i an sawm nak hna hi a si tiah CCI upa sin in theih a si.

Indianapolis um Chinmi lakah hin Chin National Day a dangte i a tuahmi hi Tidim lei kan unau Zomi pawl lawng hi an si. Myone dang poh cu CCI hruainak tang ah hin an itel dih tiah theih a si. Pu Zo Zam tal nih hin a dangte rumro i ai pheo mi Tidim lei kan unau ZOMI ai timi pawl hi CCI he CND hi tuah ṭi tawn dingin biacah ta hna seh law a ṭha hnga. Ref: The Chin Voice

Relchih: CNLD Chairman Pu Zo Zam cu Indy um Chin Miphun hna he CND hman tti dingah dam tein a phan. Laiholh hi ka thiam tuk ve lo i ramleng ah Kawlholh in Speech pek ding cu ka duh lem lo caah mirang holh tein chimh khawh kai zuam ko lai a ti. Mino pawl nih thil an hngalh khawh deuhnak hnga le an boring nak hnga lo a tha tuk lai ka ti ve. Ka lungtling ngai.

CND speech ah kan mino le hna nih thiamtuk lo mi holh in minute 30 hrawng hman hi kan mino deuh le hna caah ka khingrit piak ngai hna. Lut chuak a tam tawn i lung zong a nuam tuk tawn lo. Minute 30 hrawng a sianginn kainak le riantuannak a chim mi ah a tlangpi cun a sining ka van tlaih khawh pah ngai. Chin timi a dirhkamh ning le Tidim kan unau hna lakah Zo le Zomi ti mi kong a chim mi cu interesting ngai asi. Tuzarh Sunday 6:00 Pm ah Mipi he biaruahnak kan ngei lai i a bia chim mi ngaih ding a tam ngai te lai. Al Bik Lian Zathang