KAN RAM REMHNAAK CAAH A TTHA BIKMI! 1. Zeitluk hmanh in au hmanh sih, zeican sau hmanh au hmanh sih ralkaap nihhin NLD hi uknaknawl a pe ngam ti hnga maw? Anmah tazacuai ding cu an ttih ve cang hnga lo maw? 2. UN nih remnak a ser lai maw? UN cu NLD lei ah a ttang. Cucaah UN nih NLD le ralkaap karlak i remnak ser hi ralkaap lei nih an duh ka zum lo. Cun an ser ding asi zong ah a kum in a rau kho. 3. US nih Kawlram a tu hnga maw? Tu naisai hlah. Atu bantuk buai ning men hin cun atu lai lo. A tuk zong ah ralkaap lei kha China nih a rak bawmh ve hna lai i kan ram cu Syria bantuk ah ai cang ai. Kum 10 renglo ral a dai lo kho. Inn le lo vialte an cim dih kho.

4. CDM nih a thleng lai maw? CDM ruangah ralkaap harnaak an tong ko hnga, asinain an dirhmun vun chuak taak ding cu an ttih cang hnga lo maw? 5. Ram dang sanctions peek teh? Sanctions hi ralkaap uk lio ah an rak peek tuk cang hna, sanctions nih a thleng kho bal lo. Ram a sifaak mipi kan har. 6. Taluk nih ralkaap le NLD kar ah remnaak ser selaw a rang bik hnga. Taluk cu ralkaap he an i kom. NLD he zong ai tlawngkai bal ai chawnbia balmi an rak si. Cucaah Taluk nih remnaak serpiak ah a dai bik hnga. Ralkaap le NLD cu remhtu ngei loin bia an i ruah kho ti lai lo dah.

7. Atu kan sining hicu two extrimisms veve kan zul hna. Akarlak remnak serpiaktu kan herh. Kan extreme tuk veve caah a dai kho lai lo. Asinain hi cawlcanghnaak hi alak cu asi lo kho. Hmailei thil sual tuah ngam lonaak ah an hman khawh? China nihcun a remh duh hna lai maw? Hi tluk a buaimi ram hi a daih ter ahcun ka min a thang lai ti kha China nih a hngalh lai caah a duk ko lai. Myanmar mipi duhnaak lo cun ralkaap he lawng cun China cu asi kho ve lai lo.

China nihcun zeitindah a tlangtlaak hna lai? Mipi nih bawmhnaak hal khawh asi. NLD nih bawmhnaak hal khawh asi. Asinain atuan deuh rih hnga maw? UN, US le UK nihcun aana ap an ti len na hrenmi pawl kha thlah hna an ti len sanctions an peek len nain an tuah hlei ttung lo. Ralkaap nihcun China i remh kha a duh lai. Cattialtu: Dr. Aung Myint Thang

Relchih: Ralkap anmah le anmah an i hleng i cei hna seh! Tah lak nihchuak tiah Ralkap nih thawng an thanhnak ah cun Kawlram milu 60 millions chungah 40 millions nih an kan dirpi. Kan thil tuahmi an lungtling tiah tha ko cun thawng an thanh. Thil a nakmi kha a raang ti he aa khat.

Kawlram milu 40 Millions nih ralkap lei tan timi cu a si kho lomi tehte zei hmanh a um lomi an duhnak in calchah in an chimmi a si. Nihin Kawlram ralkap a duhmi hi 100 lakah 1 tluk an si hnga ma? Cu hmanh cu anmah lei chungkhat le phaisa phalh chom pawl an si hna. Cu lak ah nichuak tuk simi cu Nihin Feb. 19 zing suimilam 9 ah khan Shan ram Taungkyi khuapi ah anmah ralkap hnatlakpi nak “thohkhannak” puai cu sunglawi tak in tuah an i tim.

Security tha tein an i la. Hmun hma an ser dih. Thutdan an chiah dih. Min Aung Hlaing milem nganpi cu an taar. Mi cu an hngah liarmar hna. An pu Min Aung Hlaing chimmi cu an zumh sual. 40 millions tha petu kan ngei ti phun cun mi cu an hngah leng mang hna nain a hohmanh an chuak ti lo ai. Zanlei suimilam 4 tiang ah tuanvo ngeitu pahnih thum le ralkap security lei tuanvo latu lawng an si caah an puai an phiat than ti si. Vaa cei hna seh. An pu a lihzia le a hrawkhrawl ning an fiang chin ve cang. A hloh ko hna hih. Credit: Saya Tluang Ceu Thang