Zeitindah Kan Ha A Ngandam Khawhnak Dingah Kan Ttawl Le Kan Zohkhenh Ning A Si Lai?

Theihtlei

Ngandamnak caah theihtlei: Kan pumchung ahhin kan ha hi kan dawt thiam abiapi ngaingai mi a si. Thiang tein chiah lengmang a herhmi zong a si. Mi tthenkhat cu ha i nawt/ttawl lem lomi in um a hmangmi hna kan um tawn. Hi hi kan ha ngandamnak caah ttihnung taktak a rak si. Kum note a si buin a ha beumi le a chiami hmuh ding an tlawm ti lo. Zeiruang ahdah ti ahcun tam deuh cu daithlan ruangah le ha ttawl zuam lo ruangah a si deuh tawn.

Image result for ha ttawl ning

Cu ruangah kan ha hi fawizaang tein a beuh le a rawh lonak ding caah thiang tein ttawl lengmang a herh i, thiang tein kan chiah khawhnak ding lam um chun cu thiang chiah le caan hman tein tein ttawl peng hi a si. Cun, kan theih dingmi cu ha hi ttawl tikah nawh sawhsawh men a rak si ve hoi lo i, ha lei thiamsang hna nih an hmuh chuahmi le ttawl ning cang an timi cu tanglei bantuk hin a si.

(1) Ha ttawl tikah saupi ttawl lo ding: Caan saupi ha ttawl le ha nawh ruangah hani a ei i fawizaang tein ha a fak kho. Cu ruangah cun a tam bik nikhat ah voi 3 hrawng lawng ha ttawl ding a si. Cun, a tlawm bik zinglei ah voikhat, zaan ah voikhat tal ttawl peng ding. Voikhat ttawl ah minute 2 asiloah minute 3 chung lawng ttawl ding.

(2) Fak tukin ha nawh lo ding: Ha hi fak tukin nawh ruangah ha an var deuh hlei lo. Fak tuk in ha nawh tikah hani hi rungrul fa tete nih fawizaang tein an ei khawh. Cu tikah habum timi a chuahnak hrimpi cu si.

(3) Rawl ei khawh cangka tein ha nawh lo ding: Mi tampi cu rawl ei khawh cangka tein ha nawh kan hmang. A taktak ahcun rawl ei khawh cangka tein ha nawh hi a ttha lo ngaingai mi a si. Ha ngandamnak caahttih a nung taktak mi si. Rawl ei khawh hnu minute 30 tluk lawngah ha ttawl ding.

(4) Ha dihlak in nawh hrimhrim ding: Mi tthenkaht nih ha an nawh tikah rawl khainak ha (tlaitawn) lawng an nawh tawn. Hi bantuk ha nawh zong hi a ttha lo. A dihlak in thiang tein kan nawh lengmang awk a si.

(5) Lei zong nawh chih ding: Ha nawh tikah lei zong hi nawh chih hrimhrim a hau. Zeiruang ah kan ti ahcun, lei in bactiria a chuah ruangah a si. Cu ruangah kan ha kan ttawl fatin tein kan lei zong kan ttawl peng ve awk a si.

(6) Ha nawhnak brush thiang tein ttawl peng ding: Ha nawhnak brush kan hmanmi kha thiang tein ttawl hnuah, a ro khawhnak dingah chiah peng ding. A ciarmi lakah khin bactiria timi hrik an um caah a ro lio te ah hman ding.

(7) Ha nawhnak brush thlen lengmang ding: Ha nawhnak brush kan hmanmi khi a si khawh ahcun a saubik thlathum leng hman lo ding. Cun, thlathum ah voikhat in thlen hrimhrim ding a si. Sautuk kan hman cangmi cu a ttuan ding tluk in a ttuan khawh ti lo pin ah a tthintuk cang hnuah cun bactiria timi hrik an um tam deuh cang. Cucaah cun kan ha a ngandam khawhnak dingah cun thlathum dan in thlen khawh peng i zuam ding.

Ref: Health

Leave a Reply