Zeitindah A Leh Hna Lai? Min Aung Hlaing Hruaimi Phu Ralrin An Pek Cang Hna

Myanmar News

Hri Thlai Thahnawnnak Tuah Ti Lo Dingin SAC Cu G7 Nih Ralrin Pek! Vawlei cung Democracy ram rum bik hna nih sermi Grouf of 7(G7) nih SAC ralkap nih Democracy a dirpitu minung pali an thahmi hna cu kan cohlang hrimhrim lo, tiah an langhter.

Political Ghosts Come Back to Haunt Myanmar

Canada- France- Germany- Italy- Japan- British le American ram sarih in sermi G7 phu nih hri thlai in thahnawnnak tuah ti lo ding le thongtla mi vialte chuah dingin SAC ralkap a hal. Kum 30 chungah a voikhatnak hri thlai thahnawnak le a dik lomi biaceihnak cu kawlram mizapi hna nih Democracy an i ruahchanmi zei rel lo a si, tiah an langhter.

SAC nih uknak an lakmi hi a fak bik in kan al kan cohlang lo. Chawleh chawhrawlnak, ramkhel, zatlang nun, minung zawnruahnak lungthin le nuhrin covo kong ah kan lungre a thei, tiah cathanh an chuah. Ramkulh komh kawlram ah SAC ralkap nih thih dan pekmi hi 100 hrawng an um rih, tiah International Amnesty phu nih an langhter.

Kawlram kongah UN aiawhtu Noland Heather le Malaysia ramdang Minister Saifuddin Abdullah nih SAC ralkap nih Democracy a aupitu minung pali an thah hnanak kong ah minung thinlung pu loin sual tuahnak a si, tiah an chim. UN metting ah Myanmar ram a dirpi pengtu Russia le Tuluk nih Democracy a aupitu pali thahnak kong ah an cohlan lonak cathanh an chuah ve. Credit: The Chin Post

Leave a Reply