USDP nih Cozah an ser lio ah phunghram 70 tluk tawh an hrenh chih, cozah thutden in thial an si nain phunghram tawh onnak an i kalpi: Myanmar ram chung ah Phunghram pi 457 fai a um i phunghram teng nge tete he cun tam taktak a um. Cu vialte Phunghram vialte chung ah Phunghram 70 thengte hi phunghram tawh in an hrenh chih. adang phunghram vialte hna cu Phunghram tang sawhsawh ah an um ko nain tawhhrenh chih mi an si lo. Phunghram cauk Dal khatnak hi pohmah chim loin 48 a um i a ning piin tawh an hrenh chih.

Hi Phunghram Dalkhatnak ahhin Zauk phung, Nawl ngaihnak, Ramkawmh, Ramthen, Ramkulh, Pengkawmh, Pengkulh, Cozah le Ramser siam ning ti bantuk deuh aa tialnak Dal a si i a ningpi in Phunghram tawh an hrenh chih. A tawinak in van chim ning law, Phunghram pi 45 reng lo lak ah zauk phung, mahte uknak, nawlngaihnak, President dirhmun le sining, Ramri cheunak le rampi sersiam ning, zauk phung sersiam ning deuh kha famu thim in an thim hna i a dihlak 70 an thim. cu phunghram 70 thim mi cu, remh khawh lo ding in tawh an hrenh.

Ralkap le USDP nih zei bantuk hmang in dah a cunglei phunghram 70 hna cu tawh an hrenh ti ahcun phunghram 436 hmang in thawh an hrenh. cu tawh cu “Phunghram remh duh ahcun 75% hluttaw hantlak pi hnu ah mipi nih hnarcheu nak tamdeuh hnatlaknak in remh ding” tiah an ti mi hi an tawh fung cu a si. tawh hrenh mi kuang cu tawh dang in on khawh a si lo bantuk in hi tawh onnak cu ralkap le USDP kut ah a um. Asi ning ahcun USDP le ralkap nih cozah an tlaih lio ahcun phunghram kha ser i tawh an hrenh ta zong ah Cozah thar sin ah kha tawh fung kha pek/chiah ta ding a si. a fawinak cun Cozah an tlai lo nain tawh an i kalpi diam. NLD nih Tlangcung mi kong a chimrel lo ti rih hlah u,a chim zong ah 75% tawh hrenh chung ah a um caah a tling kho hlei lo. kan chim voihra nolh rih usih, ralkap 25%, USDP 6% an um i an dihlak 26% an si. a tangmi cu 74% lawng a si. 75% a tlin khawh hlei lo caah zeihmanh san a tlai hlei lai lo.

NLD Party ca lawng ruat in phunghram remha timh caah Tlangcung Party dang an lungfah ruang ah tutan zong ah 75% an tlin lo hi a si nan ti mi zong aa palh. USDP nih cehu kaht phunghram cu remh zong ah kan zei a poinak a um lo an ti caah vote an thlak i 75% atlinnak a si. Tlangcung mivialte nih mah le ramkulh cio in teinak hmuh zong ah kawl rawn ah USDP nih a tlawmbik thutden 1% an hmuh ahcun zeibantuk uknak kong hmanh thi dneg aupi len law phunghram 436 tawh hrenh chung ah a um thiamthiam caah 75% aa tling kho lo i nihin nan aupi mi hi a sawhsawh a si ko lai.

Kan ram zauk phung thlenank ding ahcun NCA lawnglawng a tang ti khawh a si. Hluttaw ahcun vote in a kal ko caah vote cu phunghram 436 nih tawh a hrenh chih cang caah cabuai cung raltuknak NCA lei ah thazaang chuah hi a lam thabik a si cang. NCA ah ralkap he tha tein I chawnh biak hnu ah a cang kho ding mi a si. Cheu kaht Party nihcun Zauk phung aa thlen lo/ Federal kan hmuh lo ahcun NCA zong zei hmanh a si lai lo. kan duh mi uknak kan pe sehlaw NCA riantuannak zong hlawh tling lai nan rak ti kha a rak si nemmam lo. NCA nih ralkap tha tein a chawnbiak khawh hna hnu lawng ah zawnruahnak le dawtnak tlawm deuh kan hei hmuh sual ahcun lam a um deuh. Credit: By Rolian