Zeiruang ah dah Kawlram hruaitu hna taza cuai an si?

Theihtlei

ICJ Konglam Tawite: “International Court of Justice (ICJ) International Court of Justice ICJ timi cu Vawlei pumpi biaceih nak zung ti zong an ti. UN thawk kum1945 ah derh asi ve. 1946 ah ICJ cu Biatak tein rianṭuan hram an thawk cang. Zungngan bik cu Netherland Holland ram Hague Heik khua ah aum. Ram khat le khat kar ah acangmi buainak Biaceih nak zung asi. Rule of Law Mikip Upadi tlukruan nak le Biatak, Thildik nih buanco khawh nak cu an I hmaithlak mi lei an hmuihtin bikmi asi.

Image may contain: 2 people, people standing and indoor

Vawlei pumpi Upadi thiam bik 15 kha rian pek ansi. UN security council UN Huhim nak ralhau ram 15 nih anthim hna. Term khat hi kum 9 asi. ICJ Biaceihtu bawihna: Mr. F. Dukavi Amet Zusuat Chairman – Somalia, Ms.Sui Hankin Chairman chang- Tuluk nu. Biacieh bawi dang hnacu Salovkia, French, Moroco, USA, Italy, Uganda, India, Jamaica, Australia, Rusia, Lebnon le Japan ram mi hna ansi.

ICJ Tuahkhomi: Biaceih zung nihhin abikin thil 2 ah aahmaithlak lai. Ramkhat le ram khat kar buaibai nak aum tik ah ram khat nih taza acuai ahcun cohlan piak asi. Cu buaibai nak cu a dotdot in thlidik kha an hlat hmasa hnu ah an mah zung siseh, midang kha siseh UN Phunglam ning in Ruahnak acheu khawh hna. Atuah ter kho hna. ICJ an rak ṭuan balmi: 1992-1995 kum Bosnia Muslim 7000 thahnak le 30000 ralzam sinak bia an rak ceih piak hna. Miphun phun 1 tlau nak ralhau caah ICT ‘International Criminal Tribunal’ biaceih zung kha biaceih ding in 2007 ah in-Charge apek.

Zeiruang ah dah Kawlram hruaitu hna taza cuai ansi? 2016 Oct -2017 Aug ah Kawl ralkap nih Rakhine ram ah Muslim athah hna, An tlaihrem hna, Khua mei an khangh, Abu in le a run in ralzam an si ter hna. Miphun 1 kha hramhram in ṭhawl dawi asi caah, Miphun tlau lo nak hnga, thlau le khamh a um lo caah, Dai tein an zoh sawh hna caah, Miphun tlau lo nak Civui pi ‘Genocide Convention’ biachah ning in, Muslim Ram 57 komh bu, OIC nih Kambai ‘Gambia’ hmang in taza an cuai hna.

ICJ nih pehzulh in zeitin dah rian a ṭuan lai: Vawlei huap Baho dindai nak bu ‘Global Justice Center’ nih Biatak in dindai nak um khawh ding ah thil 2 a herh. Miphun 1 tlau ding in khuakhang tu Kawlram nih a ṭuanvo lak in phisin aherh. A sual I chirh in tuah ti lo cang seh tinak asi. Sual nak ah ṭuanvo a ngei mi, Nawl ape mi, Chimhrin Cawnpiak lo mi, dai tein azoh sawh mi, tbk vialte kha, Upadi ning in dantat ding An mi pumpak cio kha.

Pi Ci hi ziah an tel chih hnga: Rohinga miphun an um ti mi kha a cohlan lo. Miphun 1 lohtlau lo ding in a kilven lo. Miphun 1 lotlau ding ah tuahser u, dothat tu, cawlcang nak vialte kha a zoh sawh hna, Tuah hla uh tiah a chim bal hna lo, Ralzam hna kha asi tertu le buaibai nak a hram pi kha kawl in phisin aatimh ballo. Misual le Upadi azulh bak lomi kha dai tein le hmurcip in zoh sawhsawh cu Ka hna atla pi hna ti nak asi tiah OIC nih Pi Ci cu taza an cuai ve mi asi. Nobel Peace Prize co tu nih cun Human Rights timi Nuhrin covo kha a kilven lai, Karding in rian a ṭuan lai, A cawn piak hna lai, Lam ahmuh sak hna lai, An zulh lo ahcun cutin tuah hlah tiah asik hna lai, a kawk hna lai, Athlauh hna lai, akham hna lo, tbk bantukin sual an phawt ve.

Achan cu Vawlei huap Dindai nak Laksawng cotu nih an tuah hrim ding mi le an zulh hrim ding mi kha Pi Ci nih zulh lo caah asi bik. Bianabia ah “ Kan Bawipa Zisuh Kri niha Baibal azulh lo” ti bantuk khan Pi Ci nih Nuhrin covo phung lam azulh locaah asi bik. Ading temi ahmuh asi lo. Cucaah Vawlei misual bik hna cazin ah Pi Ci cu an khumh ve mi kha asi. Theihternak: Film ahhin ICJ timi cu zeidah asi? Zeirian dah a ṭuan? Zeitindah a ṭuan lai? Kawlram tah zeitindah a tuah lai? Tbk ka khumh hna. Naa manh in ngai ve hrim te. Miphun le Ram dawve tu – Nan Unaupa. Saya Rung Kaw. Kawlran in.

 

Leave a Reply