CNF/CNA! Mi tampi nih zei theih set loin CNF/A ral chia e, zei uico ee kan ti hna. Kachin le Karen ram khi bia tak tein ral an i kap, tu ah khin zoh u. Chin ramnak in zei an miak maw? an zalen maw? an ram ah kut bul, ke bul zeizah an um nan thei maw? Inn ngei lo le umnak ngei lo zeizah dah an um nan thei maw?

Kanmah mipi zawn an ruah ruangah dawh, ral i dohnak si loin ramkhel lei tu in biatak in an tang hi nan thei maw? Ralkap lei i dohnak hi tluk in an thladorh ko bu ah a caan caan i khua chung an luh, i ka khathnih hronak le voi khat hnih hremnak, nan ar le meh halnak hman i hi tluk vawlei cung theih inn nan zai hi biatak in ral i kap hna sehlaw kawl lei kap chungkhat cu a herh ah thah nan tong lai.

Tleih le hro nan tong lai, zei tluk khin dek CNF/A nan hei zai hnawh hna lai ning hi UN Zung tiang nan phan lai hih. Khua tuaktan huaha loin zai sawh ti hlah. Ram caah na tuah khawh mi te kha tuah ko, tuah awk na thei lo tal ah dai tein um, cucu ram caah na tuah khawh cem a si ko. Cattialtu: Salai Daniel Ceu Bik

Relchih: Hluttaw (parliament) aiawh committee CRPH nih atu lio hramhram in uknal a lami ralkap cozah taza an cuainak cu thanhnak an tuah cang. Penal code Section 122 (1),124 (i)-nak i charhchan in Naypidaw-i Supreme Court of the Union-ah March 4 ah khan case zong kan file cang tiah an chim.

February 1-ah Min Aung Hlaing hruaimi ralkap nih a hramhram in nawlngeihnak an ah khan Myanmar President U Win Myint le State Councellor Daw Aungsan Su Kyi nih hruaimi cozah cu Myanmar phunglam kalh in cawlcangh in le a hramhram in nawlngeihnak an kan chuh tiah March 9-ah thanhnak tuah in le atu bantukin tazacuainak an tuah hi si.

Hi kong he pehtlaiin council nih cun CRPH hi hohmanh nih dirkamh le ttuaiawmh loin dingi warning peknak tiang an chuah i, a ttuanpi mi hna cu kum 7 chung thongthlak an si lai,”tiah thawngthanhnak an tuah ve. Credit: BBC Burmese.