Zei ruangah dah Hakha khuanu khuapa nih Min Aung Hlaing hi an don hnga ? Zei ruangah dah Hakha College compound chungah sak timhmi Khrihfa biakinn / chapel saknak caah bawmh an hal hnga? Timi ka ruat i a phi ka chuah kho lo. Ka khuaruah bak a har . Zei party kan si zongah kum 60 chung a kan hremtu, Kanram sifak dih cikcek in a chiatu , Mi ramdang ah sal bantuk in a kan canter dihtu, A ho nih thim loin nawlngeihnak aa lak i, A hohmanh a kan aiawh lomi…Ai..chim zuam hmanh va sihlah.

Cu bantuk minung le cu bantuk minung a tanpitu cu an kut cungah zeitluk nawlngeihnak a um zongah upatpek ding zong an silo i , zei bantuk bawmhnak hmanh zong hal ding an silo. Inautat ding bak a si. A tu i chapel saknak an halmi labang cu biaknak inn a si caah kan biaknak limhang a zortertu men a si . Hal loin an umkhawh ikpak lo ahcun ” 2008 phunghram ” hi mizapi thimmi cozah hruainak in a rannak in kan thlenpiak cang u timi long hi hal aa tlakmi le caantha bak zong a si fawn . Amah nih a kan tlawn lio ahcun ttih ding zong a silo . Ka hal hna seh ti hmanh a duh ngai lehlam khomi a si . Kan Unau Mindat lei si hna sehlaw atu ka chimmi hi an hal lai ka zumh. Credit: Aceu-Salai Sang Ceu Lian‎