Zei Cangkal Lo Pi Ci Biachimh ICJ ah: Pi Ci chimh mi hi Gambia le ICJ lei nih sualphawt mi ning in siloin Tarpa bang amah le mah hnangamnak I zaithlawrh in zai he aa lawh ngai tiah Professor Christina Fink, George Washinton Universaty, USA nih ati. ICJ biaceihbawi hna nih lehkhan in ceih piak ding mi Rohingya kilven huhim nak caah lakhruak tuahṭuan nak nawl halmi biakha a pemh kho lo. Azen le a kuanpi nih acheihlo le pemh lo kha si lo in Hmuihtinh a nganh bak ko (missing target bak).

Ralkap le Mipi cozah nih cihhmih thahnawnnak cu va um hmanseh law kanzoh sawh lailo ati ko nain Ralkap nawlbuar nak chimh cawk lo le Cihhmih nak ah sual phawt nak tampi a kal tak rih. Rohingya kong lam phisin an I thawk ka te asi ko mi kha mangtara phun in lihbia in a phuan. Rohingya miphun tulsapur tonmi in tuarnak phisin ding ah a zaa mi phisin nak asi hrim rihlo. Innchungah ngakchia tarual hrenkhumh in meikhang thatnawn nak hi dinfel nak rianṭuan le zohkhen kilven nak asi lo.

Rohingya miphun minung he I lawh loin an hmuh hna ning le an chawnbiak hna ning zong a phuan chih lo. Thilri hling khamh bakin hranhram in umnak ṭhial mi an si kha nihin tiang hmuh khawh asi ko. Thilri hling kulh chung ah Vok le Ar phun in an erh hna. Rian zong an pek hna lo. Fimcawn nak le Ngandam nak zohkhen zong aum lo. Hihi Pi Ci nih aruang langhter lo in athuh bak in athuh mi asi. Genocide kan si hrim lo anti mihi zumh awk ahar ngai ngai. Rakhine ram chaklei misual Ralkap hna nawl buar mi cu 2008 phunghram pi ning in nawl ka ngeih lo a ti nain, Ralkap lei nih Cozah nawl pek nakin kan tuahmi asi tiah an phuan la la hoi (VOA nih Ralkap Biahal nak ah). ARSA dohding ah Pi Ci nawl pek asi tiah Ralkap nih an phuan ve hoi cang.

Ralkap misual hna hlathlai dantatnak ah ahman mi phung hi International siloin Kawl phung ning in asi caah zumh khawh asilo. Misual dantat le thongthlak duh ruang ah siloin Biasiphai le inn chung inn leng hei hei bantuk khi asi. ARSA le Rohingya kong ah misual kansiko tikha adikthlir in a phuan ngam baklo. Thuhmi a ngeih tikha tehte dang aherh tilo. Zeitintiah hi bantukin kawlram biaceih ning cu vawlei pi chimh lo kawlram mi hmanh nih anduh lo I an zumhlo mi Biaceih phung asi. Pi Ci nih achimh bik mi cu: Rak kan theihthiam uh. Tuksapur sualnak le misual kha hmaiton tein ramdang nih phisin nak chacun kanmah tein kan i phisin lai. Kan phisin cuahmah ko.

Cucaah Pi Ci chimh mi le Tazazi zung, Gambia report he cun van le vawlei bantukin aathlau. Tcn. Ganbia nih Cihhmih thatnawn nak ati. Pi Ci nih keimah tein kaa phisin lai. ICJ timhbik mi cu Genocide asi le silo kha ceihding asi tilo. Asi ti kha 100% ah pomcang mi asi. Rohingya miphun zohkhen kilven le huhim nak caah vawlei pi le UN, Nurhin covo hna bawmh in tuahṭuan ding, Misual hna Biaceih nak ah zeitin kan pehzulh lai ti tu kha asi deuh. Pi Ci biachimh mi ah Kawl cozah nih cohlan or cohlan lo ti zong aum fawn lo. Ngahchia thiltuah he aalawh ngai. Saya Rung Kaw