Zei Bantuk Nih Dah US President An Tuan Khawh Timi Le An Covo?

Theihtlei

US president a cuh kho ding mi cu (1) US ah a chuk mi (US citizen) hrimhrim a si lai. (2) A tlawmbik kum 35 a tlin hrimhrim hau. (3) A tlawmbik US ah kum 14 chung ummi si a lai. US President ttuanmi lakah kum no bik hi Theodore Roosevelt a si i, a kum 42 in a ttuan (1901).

Trump Praises Trucking Industry's Pandemic Response at White House Event |  Transport Topics

President i cuh in a ttuanmi si loin Vice President a ttuan lio ah President a ttuan tu William Mckinley cu an thah ruangah US phunglam ning tein President a ttuan mi a si. Kum no bik president cuhnak nak in a tling mi (election) President cu John F. Kennedy a si i, kum 43 a si ah US president a ttuan. (1961-1963). A term khatnak hmanh a ttuan dih hlan ah meithal kah nain a nunnak a liam.

US President ttuanmi chungin mirum bik pawl:
(1) Donald Trump (2017- ) $ 3100 millions.
(2) John F. Kennedy (1961-1963) $ 1100 millions.
(3) George Washington (1789-1797) 587 millions.
(4) Thomas Jefferson (1801-1809) $ 236.8 millions.
(5) Theodore Roosevelt (1901-1909) $ 139.7 millions

An nawlngaihnak: US president nih ram a hruainak ah nawlngaihnak (veto power) tampi a ngei. Khualtlawnnak caah Boeing 747 (Airforce One) cu a kalnak paoh ah a kalpi khawh. Amah veng himtu Secret Service tampi a ngei. A thlahlawh hi kumkhat ah US $ 400,000 a si.

President tangka hmannak: Pumpak hman ding kumkhat ah $ 50,000. Voikhat khualtlawn tik hman ding mi $ 100,000. entertaiment dangdang $ 19,000 hna zong hman a ngah. US President rin in a dinh hnu pension hlawh hi kumkhat $ 219,000 an hlawh i, an nupi le nih kumkhat ah $ 20,000 an hlawh ve.

An pumpak venhimnak: President, Vice President le an chungkar hna cu an dam chung Secret Service cozah nih an pek. Ram tthangcho an si bantukin President hna hi covo biapi tukin an pek hna caah a si. Source: Google

Relchih: Georgia state vote reltthan mi ah a dik lomi hmuh si! Tukum US rampi president thimnak cu a buai taktak khi si. Nihin tiangah teitu ngaingai hi a fiangmi le biachahnak zong a um kho rih lo. Trump lei phu cawlcanghnak zong a vun lang pah ziamah ve, sinain zeiting dah an kalpi lai i, teinak hi an hmu kho taktak te lai maw? timi zong ruah lo awk ttha lo. Zei si hmanh ah lungsau in vun hngak cio rih ko hna usih. A hnu bik US thawngpang.

A voikhatnak US election vote thlak mi ah vote relnak Computer ah palhnak hmuh asi. Cun, voihnihnak vote relnak zongah minung palhnak hmuh asi tthan rih. November 18 ah Georgia State result aa fiang lai tiin Election Official nih a thawngthanhnak an tuah nain vote rel lomi hmun 2 ah hmuh chap asi caah aa fiang kho rih lo tiah theih a si tthan.

Georgia State ahhin Joe Biden nih Donald Trump cu vote 14,000 in a rak tei. Nain Tump lei phu nih hi vote thlaknak hi a dik lomi si caah a thar in kan zohpiak tthan u, tiin nawlnak an tuah bantukin a voihnihnak vote rel tthan lio asi caah aa fian khawh rih lonak a si. A voikhatnak vote relnak ah Computer nih vote 2,500 scan a rak tuah lo tiin US Official nih an chim. A voihnihnak vote rel lio ah vote rak rel lomi 3,039 bak hmuh chap asi,”tiah theih a si rih.

Geogia hin Trump nih teinak hmu sehlaw president sinak dingah lam um maw? Donald Trump nih Geogia ah teinak a hmuh ahcun Electoral vote 248 a hmuh lai. Asinain President a tling kho fawn lo. Mah belte Michigan State ah teinak a hmuh rih a hau. A cunglei kan chim bangin vote 2,500 hi scan an tuah lomi i, computer palh asi i, vote relmi hi minung palhnak asi! Ref: FoxNews, Reuters

Leave a Reply