Zaangfak Taktak Asi Rian A Tuannak Ah Ruah Lo Piin A Tlu I Siizung Lei Panh In An Kalpi Lioah Mizaw Mawttaw Chungah Vanchiatnak A Tong A Tonmi Hi Rak Rel Ve Hmanh Na Celh Ve Lai Lo

Hi thawngpang vun reldih cu i sum a har ngaingai. Zaangfak taktak asi ko. Kum 17 tlairawl nu pakhat cu part-time rian a ttuan lioah ruah lo piin a dam lo i, mah le mah i theih lo tiangin a um. Mizaw mawttaw (Ambulance) in siizung an kalpi lioah mizaw mawttaw (Ambulance) chungah cun siibawi pakhat nih a tlaihhrem tiah theih asi.

Malaysia ram Salangor ah nu tlairawl kum 17 University a kai liomi nute cu an sifah tuk ruangah sianginn hlawhthawh pek dingah tiah an sianginn kainak University pawngah a ummi Coffee dawr pakhatah Part-time in tian a ttuan tawn. Voikhat cu rian attuan cuahmah lioah a paw a fak i, amah le mah tiang theih loin a um i a tlu.

A rianttuanti hawi hna nih an pupa (Boss) an auh cawlh i, an pupa nih cun Clinic sii inn ah a kalpi. Sii inn a piahnak (Clinic) pawl nih a paw fahmi hi a serious tuk cang ruangah siizungpi ah kalpi dingin an ti hna i, mizaw mawttaw (Ambulance) cu an auh i, mizaw mawttaw (Ambulance) in cun siizungpi lei panh in cun an kalpi. Siizung an phak cu cu kum 17 tlairawl nute cu a ttap.

An rianttuannak an pupa (Boss) cu a khuaruahhar tuk i, cu tlairawl nute a ttahnak a ruang cu a hal. Asinain tlairawl nute cun a chim cawlh ngam lo. Cuticun voitam nawn a hal lengmang tikah mizaw mawttaw (Ambulance) chungah a cuang vemi a zohkhenhtu siibawi pa nih a ka tlaihhrem tiah a chimh. An pupa cu a thinhung tuk i palik sinah reportnak a tuah cawlh. Tlairawl nute a tlaihhremtu hi kum 22 minung asi i palik nih an tlaih colh hleiah biaceih zung nih bia a ceihpiak lio asi. Source: Populay