Zaangfak Taktak A simi Kawl Nute Thailand Ramah An Ka Zuar I Nau Ka Pawi Ka Bawm Hram Uh Tiah Ca  Tial

Kapa min cu U Aung San Hti (09429688676) a si i, ka nu min cu Daw Htoo Mar (09428170386) keimah cu Thu Zar Ei ka si i, Taluk ramah zuar ka si. Atu ahhin Tuluk (Chinese) fa ka pawi lio i, nau ka ngeihni le nai thluahmah cang, bawmtu ka herh zaangfahnak tein Anti-Human Trafficking hna sinah ka chim piak hram ulaw tiah nungak pakhat nih ca attial.

Bawmhnak a halmi Thu Zar Ei hi ngakchiate a si rih. Kum 17 minung te lawng a si rih i, Tuluk ramah zuar a tongmi a si. Tuluk ramah cun innkhan chungah an hren i, Tuluk pa pawl nih an ihpi tawn caah a tuhi fa a pawi lio a si i, nau a ngeihni a nai tuk cang i, bawmh ka herh tiah ca a ttial. Khan chungah an hren pengmi kum 17 nute Thu Zar Ei nih ca a ttialmi cu kawlrammi pakhat Ko Lin timi pa a pek.

Ko Lin timi pa hi Tuluk ram ah rianttuan in a ummi a si. Ko Lin nih Tuluk ram ah an zuarmi Thu Zar Ei cu Muse Myo i Anti-human Trafficking hna sinah bawmh a hal piak colh ve. Ko Lin hi kawlram ah puai hmang dingin tlun a timmi a si i, cucu Thu Zar Ei nih a bawmhnak a hal manh i a vanttha ngaingai. Ko Lin nih Thu Zar Ei nih ca a ttialmi cu Messenger in Anti-human Trafficking Chairman a ttuan liomi U Toung Htun cu a kuat colh. Mah Thu Zar Ei nih hin fa ka ngeih hlanah nan ka bawmhnak lai zaangfah kan nawl hna tiah a ti ve.

Mah Thu Zar Ei hi Bago Region, Htantabin Myone ah a ummi a si. A pa U Aung San Hti nih cun kan fanu hi kum 2018 June thrawng khan a tlaumi a si tiah a chim. Mah Thu Zar Ei hi nau a ngeih hlan an bawmh manh lo cun, nau a ngei hnuah cun hmundang ah an zuar tthan lai. Atu hi Anti-Human Trafficking nih bawmhchanh dingin an buaipi cuahmah lio a si.