Kawlrampi ruahnak petu Daw Aung San Suu Kyi cu a ralaimi November thla rampi thimnak a cuhnak ding application ca tuzing ah Than Hlyin District Election Commission Office ah a vachiah/peek ve cang tiah kan theih.

Rampi ruahnak petu Daw Aung San Suu Kyi thimnak a luhnak ca (application) chiah/pek dingin a kal ahhin mi tampi nih an rak don. Chungkhar buainak le inn lo ram konglam buainak a ngeimi hna nih Daw Aung San Suu Kyi cu amah pumpak thengte ca pek timh in an rak chuah hnawh cio ti a si.

Cu hmun ahcun pa pakhat zong inn le lo ram kongah Cozah nih phungning loin lairelnak an tuah piakmi kong cu Daw Aung San Suu Kyi sinah report dingin a rak chuah ve. Asinain Election Commssion Office pawngah Daw Aung San Suu Kyi cu security an congh tikah le mi tampi nih an rak chuah cio tikah cu pate cu Daw Aung San Suu Kyi zultu pawl nih an kham i, pek kho loin a um.

Daw Aung San Suu Kyi zong nih a hmu lo cun alanh ti ai timmi cu a tuah kho lo. Cu pa cu Administration Office Department hruaitu hna nih rak domhcawi in biaruahnak an ngeih i anmah nih a ca zong an lak piak ti a si. Chirhchan: BBC Burmese/TP