Zaangfak Ngai Cu Asi Ko Ka Upa Hi Ka Thah Hrimhrim Ahau Ko A Mawh Ve Lo Dakaw

Irrawaddy ramthen Cawkung peng ah pakhat nih a nu le pa a vuak hna ruangah a naupa nih nam in a nunnak a laak tiah theih asi. Thil umtuning cu Cawnkung peng Sabezung khua uksuh Tha-gone khua ah August 11 zaan suimilam 11:30 hrawngah lainawnnak thawngpang theih asi i, ttuanvo ngeitu hna nih a hmun ah kal in thil umtuning an chimning ahcun Kum 29 mi Tin San Win @ Pho khua timi pa thah a tonnak kong theih asi.

Thah a tongmi Tin San Win @ Pho Khua cu hmun 4 ah letmah paruk sau nam in hliam asi. A ruak cu an inn chungah char asi i, palik nih mithi chiahnak hmun ah a ruak cu an kalpi. Thil sining an zohfel tikah thah a tongmi Tin San Win @ Pho Khua cu zurit buin inn lei a rak ttin i, chungkhar ah buainak a tuah cu lawng hlah hringtu a nu le pa cu a vuak hna ruangah a naupa Thant Yin Oo (kum 27) cu i sum khawh loin letma paruk a saumi nam in a upa cu a thah tiah theih athahnak a ruang cu theih asi.

“Cu hlan zongah atu bantuk tthiamtthiam in zurit buin inn lei a ttin paoh ah chungkhar ah buainak a chuahter lengmang ti asi. Atu ah si hoi le zurit bu in inn ah a rak ttin i buainak a chuahpi lawng hmanh si loin a hringtu a nu le pa a vuak hna ruangah a naupa nih i sum kho loin a thahnak hi asi. A naupa cu zam a tim hna nain banhla hmun ah kan tlaih” tiah Cawkung khuapi palik zung ttuanvo ngeitupakhat nih a chim. Hi kong he pehtlaiin Thant Yin Oo (kum 27) cu Cawngkung palik zung nih yazatetgyi pukmah 302 in biaceih piak asi tiah theih asi. Ref: AKT