CCF – Cheras Mino Upa cungah Lunglawmhnak. Malaysia ah ralzam dirhmun in a ummi Thantlang peng Salen khua mi Pu Hmet Mang cu Pawpi Cancer in Caan saupi a kuah cang mi a si. Sizung umnak ah tangka tamtuk a dih ding a si caah Chin Youth Organization Malaysia ( CYOM) nih ramchung ramleng ah bawmhhalnak kan tuah piak.

Cu kong he pehtlai in Malaysia ramchung ah kan miphun hna sinah cabawm kan phawt. Bawmhhalnak cabawm phawtnak rian ah CCF – Cheras mino upa hna nih an mah sang chung Cheras Alam Jaya sang cu tuanvo an kan lak piak caah CYOM nih lunglawmhnak kan rak langhter.

Pathian rian le miphun rian a si tiin lungtho tein cabawm phawt rian an kan lak piak i an kan bawmh caah kan i lawm tuk. CCF Cheras mino hna an riantuannak ah Pathian nih Thluachuah pe chin ko hna seh. Lunglawmhnak tampi he:Chin Youth Organization Malaysia (CYOM)

Malaysia ah mizaw zualhma harsa caah bawmhhalnak. Malaysia ah ralzam dirhmun in khua a sami Pu Hmet Mang ( kum 59 ) cu pawpi cancer ruangah kum khat deng dam loin a um cang. Clinic ah voitampi ai piah nain a dam hlei lo ruangah March 12, 2019 ah khan Ampang hospital ah an kalpi. Cu hnu ah an chuah i February 6, 2020 ni ah Salayang Hospital ah an kalpi than. Sibawi te nih tangka tam tuk a dih lai tiah an ti hna i tangka an ngeih lo ruangah February 8, 2020 ah Salayang hospital cun an chuak than.

Cuticun tangka an ngeih lo ruangah inn chung ah ai zohkhenh cang i lungrethei vansang au in an um ko. A rauhhlan ah sizung luh zok a hau than dingmi an si. Sinain tangka an ngeih ti lo ruang ah lungrethei taktak in an um. Kum khat deng a dam lo chung ah le voihnih sizung a kalnak ah tangka tamtuk an dih cang. Sizung ah kal than i a pawpi cu opreration tuah hau than ding mi a si. Sibawi te nih an chimnak ah tangka RM – 40000 a tlawmbik a dih lai tiah an ti hna.

Pu Hmet Mang hi Thantlang peng Salen khuami a si. A nupi le a fale 5 he Malaysia, Puchong ah khua a sami an si. A hlan ah UNHCR Card an ngei nain an chuh cang hna.

Vawlei cung ramkip le hmunkip ah a ummi kan miphun hawi hna kan pu / kan pa a simi Pu Hmet Mang thlopbulnak ding caah nan sian tawk tein bawmhnak nan rak pek cio nak lai zangfak kan in nawl ko hna. Dawtnak le zawnruahnak thinlung he na sian tawk na chawva le thlacamnak in rak bawm ve hram ko uh tiah CYOM nih zangfah kan in nawl hna.

Malaysia ah a ummi kan miphun hna sinah bawmhhalnak cabawm CYOM nih kan rak in phawt hna lai. Khrihfabu / Fellowship ah siseh, nan riantuannak hmun ah siseh, nan inn ah siseh a rembiknak hmun ah bawmhhalnak cabawm kan rak in phawt te hna lai i dawtnak le zawnruahnak thinlung he nan rak kan cohlan nak lai zangfah kan in nawl hna.

Ramdang ah a ummi hna zong nih a tang lei pehtlaihnak ahhin chawnh khawh kan si i western union bank in bawmhnak tangka zong kuat khawh kan si.

Pehtlaihnak: President: Pu Tial Thang ( +60169838147 ), Secratary: Salai Sang Ceu Lian ( +60167040907, Hanah Sui ( +61161811950 ), Media & Info: Andrew Tum Tling ( +601163874207 ), Doris Par ( +601121388870 ) Lokeyew, Sui Men Thluai ( +60166075802 ) Imbi, Thawng Hlau ( +60179371884 ) Puchong, Thang Thang ( +6018 2262 936 ) Jalan Ipoh

Chin Youth Organization Malaysia ( CYOM ). Mahhi ca hi minung tampi nih an hmuh khawhnak hnga share in kan bawm cio hram uh. Credit: CYOM