Zaangfahnak Tein Na Kut Rak Samh Ve Hram An Konglam Rak Rel Hmanh Na Celh Ve Hrimhrim Lai Lo Lung A Hno Hringhran Ko Ee

Thla thum te asi rih mi fapa duhnung Victor le Philip (kum 4) unau hna cu October 22, 2019 zan ah ruahlo tuk in sunghno an nu Pi Tha Iang (kum 27) nih a liamtak hna. An nih chungkhar hi Pu Rual Peng le Pi Tha Iang nih fapa pahnih Victor (thla 3) le Philip (kum 4) an ngeih hna i atu hi Australia ram Melbourne Victoria ah khuasa lio mi an si.

Atu bantuk in chungkhar nubik nih afa bawhkeuh Victor le a upa, a dawtmi a pasal mual a liam tak hna mi kan hmuh tik han ah tantak mi chungkhar le sahlawh vialte nan ngaihchiatnak kan in hrawmpi han. A hleikhun in suimilam pakhat te hmanh a nu ttangtthen aduh lo i nu le hnukthlum in cawm rihmi a fapa dawt Victor (tha 3) te ca ko ah kan thinlung nih a tuar kho lo.

Hi ngaihchiatnak a tong mi  chungkhar hna caah na siantawk te kutsam ding le dawtnak hrawmh ding in Bawikhrih min in kan in sawm. Jeim 1:27 “Sihmanhsehlaw nuhmei ngakttah ttha tein zohkhenh cu Pathian kan Pa nih biaknak thiang le biaknak taktak i a ruahmi cu asi.” Victor le Philip (kum 4)  caah Gofoundme in bawmhnak an halmi hi $850 a chuak cang. A dihlak in $3,000 hi an i tinhmi (target) asi caah bawm hram cio hna usih!

Olivia Nu cinZah nih attialmi: Zeitin dah biahram ka domh lai timi hmanh kathei lo. Zingin an inn kaphan ka luh bakin An unau rualin Ihnak khan ah anrak tap dih Zeithei loin Thlathum(3) tlingrih lomi Baby Victor tecu Amittial dawh le ataksa ngo phitphet tein mikeng cungah arak ihngilh ko khi ka hei hmuh.Ka nunnih acelh bak lo Inn khan chungah hnemh dingin ka lut nain Hnemhnak bia chimkhawh silo mitthli donhcawk loin aluang.

Maw Vulei Maw Pathian Nakhuan khanning hi minung ruahnak nih aphan lo mu. Thla 3 tlingrih lomi Victor Tekhi Philip nih ruah lo piin apa achimmi bia cu apa caah atuar ahar hringhran lai mu.
Papa Nizan kan ih lai teah ka nu cu ihkhun cungah thla acam lio teah atlu i ka nau adenh e ati. Philip kumli(4) telawng asi rihmi nih anu atluklio tekhi ahmuh ko nain zeituah ding atheilo. Hinak fak hi Chungkhat caah aumti hnga maw?

Thihnak hi kan ton zungzal nain atu bantuk thihnak hicu kan tongbal rihlo Nunnih acelh hrim lo e. Baby Victor tecu amithmai panh tein ani peng zei aton atheimi kan caah cun afak hringhran ko e , Hihna inn chungkhar nih anton mi thih nak hi Afak tuk khun ko e. Pawngkam kan caah hnemhnak bia chimthiam asi lo. Thlacam nak indah tilo an caah kan tuahkhawh mi aum lo e. Hniang R.I.P Naliam lungsia herh riangmang lai mu.