Yangon ramtthen cozah nih chungkhar caah a herhmi eidin tiral phun 5 cu chungkhar 600,000 renglo hna sin ah an phawt cang hna. Phawtzamhmi thilri hna cu facang, eiding chiti, cite, onion tibantuk pawl hna an si. Hi phawtzamnhnak hi Hlinethaya Township in thok a si cang i pehtlai in township dang hna zong ah phawt an si rih lai tiah ramtthen Social Affairs Minister U Naing Ngan Lin nih a chim.

A chim chihmi cu hi phawtzamhnak hi Hluttaw aiawh pawl, General Administration Department Staff, Elders, Municipal Development staff pawl, sang uktu pawl hna le mah le township cio in pumpeek bak in rian ttuantu pawl hna nih timhtuahmi a si. North Dagon Township Administrative officials hna le pumpeek in rian ttuantu hna nih phu an tthen lai i cu ti cun phawt a si lai tiah Yangon Region Hluttaw representative U Nyi Nyi nih a chim.

A chim chihmi cu sang hruaitu hna nih loudspeaker in tlang an au lai i an min a chang tete in sang office ah hlam a si lai. Mipi nih an hlam tik ah minung pahra pahra in tthen an si lai i an hmai an i huh dih cio lai. Pakhat le pakhat pe 6 i hlat in an i tlar lai ti a si. Ref: The Global New Light of Myanmar