Wuhan Corona Virus hi mainstream media sinah kan theihmi nakin ttih a nung deuh rua e! Wuhan khua chung in a chuakmi paoh Corona Virus an ngei dih ti awk a si. Wuhan khuapi ah a kalmi ramdangmi zong corona virus he an rak kir cio tikah an khuapi ningpi in Virus hi karh sehlaw a dawh cang!

China government nih Wuhan khuapi cu “lockdown” kan tuah tiah an thanh. Wuhan khua in ahohmanh chuah khawh a si lo i, ahohmanh luh khawh a si rih lo. Airlines an phih. Car road an phih. Training road an phih. Asinain tuluk Ka hawile nih cun China government nih biadik an chim lo tiah an ti. “lockdown” an tuah kho taktak lo tiah an chim.

Wuhan khuapi ahhin Million 11 hlei minung umnak khuapi ngaingai a si i, mah 11 millions chung cun 5 millions hrawng hi vawlei cung kakip ah an zaam manh cang tiah Tuluk Ka hawile nih an chim. Cucaah 5 millions hrawng an zam manh ahcun vawlei cung kakip ah phan manh cang lai tiah ruah dawm khawh a si. Wuhan ah a tlawngmi ramdangmi vialte zong an ram ah an kir cio lai si kaw! Corona virus he kakip phan cio dawh an si.

Wuhan khua in a rak tlungmi Canada mi zong anmah tein sizung ah an ipiah i, Corona Virus an ngei tiah an thanh cang. Canada cu ttih a nung tuk rih lo tiah an thanh nain kanmah Ottawa zong ahhin News ah aa lang lomi Corona zawtnak a ngeimi 2 um dawh in an chim. Asinain rumour a tam tuk lio a si caah a dik le diklo hngalh a si lo.

Zeiti a si zong ah Wuhan Corona virus hi kan ruahmi nakin ttih a nung deuh kho. A khmnak vaccine a um rih lo caah anmah tein dam ding lawng hi an hngak cio ko. Cucaah Virus ikuh lo ding iralrin cio a herh taktak. Public sin ah chuah-luh iralrin ding a si. Lairam i Vok asilo ah Ar tbk a pul i an thih viar bantuk in minung pul nak Virus phun hna a si kho caah iralrin taktak a herh in a lang. Credit: Zasang Cinzah