Bawi Bik Thawng hi kum 5 chung rian kan tuanti cang. Kan rian hi amah pumpak rian bantuk in a tuan, tei a ma tuk, a fel fawn. Amah bantuk a fel i rintlakmi riantuantu cu Laitlang ah an har ko lai tiah ka ruahmi a si.

Tuni cu rian ai zuamnak laksawng caah tiah amah nih a uar ngaimi Suzuki brand new 2020 model Ertiga(ting 311; $23,000 man) ka cawk piak. Riantuantu pakhat hizat man motor cawk piak cu a fawimi a si hrim lo, nain riantuantu tha cu suikhur bantuk an si caah an dawtnak kan cham ve hna awk a si ko. Credit: Salai Lungthli Tum

Lunglawmhnak Thawngpang ttha taktak: Thawngpang ṭha taktak a si hih. Atulio thawngpang chia lawngte kan theih lioah Chinmi chungah a um bal lomi thawngpang ṭha taktak kan theih. Ramdang ummi kan fa kan naule tete miphun dang tampi nih an kai lonak hmun ah a sianginn a kaimi an tam ngaingai cang. Hihi Pathian thluachuah phunkhat a si tiah kaa ruah.

Chin tlangval minote pakhat cu thlapa cung a kai hmasat bikmi Neil Armstrong sianginn a rak kainak Perdue University ah sianginn kai ve ding in full scholarship a hmu tiah theih a si. Perdue University hi US ram chung Top 10 Engineering University ah aa tel ve mi sianginn ttha taktak le mithang taktak pakhat a si ve.

Top 10 Engineering University chungah a tel vemi Perdue University ah Provost’s scholarship a hmuh pinah vawlei cung minthang Ivy League University zong nih anmah sianginn ah sianginn kai ding in interview an tuah rih tiah theih a si fawn.

Tutan ah Provost’s Scholarship a ngahtu Chin tlangval pate a min hi Salai Paw Paw Khin Ma ti a si. A chuahkehnak cu Chin ramkulh Mara, Aru khua a si tiah kan theih. Tha tein le tluang tein a kai khawh ah cun thlapa cung kai khawhnak caan ṭha ngei ti u sih law kan palh lai lo. Kan Chin miphun chungin hibantukin kan mino tete nih minthatnak an hmuhmi hi asunglawi tuk hringhran lawmhpi cio hna u sih!