Wow! Valentine’s Day Hlathar A Chuak Darling Ngei Lomi Caah Asi-Video

Music and Videos

Atu lio vawlei cung pi nih a ngaihmi cu zeidah a si ti ah cun February 14 Valentine’s Day hi a si. Valentine’s Day hi St Valentine philh lonak caah an rak tuahmi a si i February 14 ah hin lawmh le tuah tawn asi. Valentine’s Day ah cun kan duhdawtmi hna sinah thil pakhatkhat kan pek hna. Asilole Chocolates tibantuk duhnak bia tibantukin laksawng an i pe tawn. Atangah a hla ngaih khawh a si. A satu hi Teresa Kim  asi a thiam ngaingai zong ngaih a nuam taktak.

Image may contain: 1 person, grass, sky, tree, outdoor and nature

Valentine’s Day Tuanbia.Valentine’s Day cu Feb 14 ah tuah a si tawn. Valentine’s Day cu “dawtnak ni” a si. Zeicatiah Valentine’s Day cu pakhat le khat dawtnak (love) asiloah tlaihchannak (affection) ni caah hmanmi asi caah a si. Hi ni hi, kan nih cio zong nih dawtmi hna he sullam ngei tein hman ve ding hi a biapi ngai.

Image result for who is valentine"

Valentine timi min a pumi hi, tam ngaite an rak um. February ni 14 nak ah, thahmi Krihfa biaknak hruaitu 2 an um. Pakhat cu “Valentine of Rome” timi asi i, Rome khua ah tlangbawi (priest) a rak tuanmi a si i, AD 269 ah an rak thah. Adang Valentine cu, Rome in meng 60 a hlatnak khua, Interamna khua ah an rak thah. Adang Valentine zong an um len rih i, atuanbia hi fiang tein theih khawh cu a si lo.
Alar ngaimi tuanbia pakhat ahcun, Rome khua i Saint Valentine cu, nupi thit an khampmi hna, Rome ralkap hna kha, kuhsihnak a tuah hna ruang ah le Rome cozah kut in hremtuar a ingmi Krihfa hna caah hruaitu rian a tuan caah, thawng ah an rak thlak ti a si. Cu thawng a tlak lio ahcun, thawng uktu bawi, Asterius timi pa fanu te hi a zawtnak in a rak damter ti a si.

Saint Valentine cu thah ding in bia an khiah i, an thah hlan deuh te ah, cu nu te sin ah cun thlahnak caah, cakuat a tial i, hitin min a thut:”Your Valentine” Asullam cu, “Nangmah i Valentine’s ka si ee” tinak a si. St. Valentine a thih hnu kum tampi hnu ah, hi pa dawtnak kha ruat in, Valentine Day hi tuah asi tiah tuanbia thiammi cheukhat nih an ti.

Valentine’s Day hman a rak um hlan ah, Rome miphun hna nih, “Lupercalia” timi puai sunglawi ngaingai hi, February 15 ni ah an rak ngei tawn. Hi ni ah hin, ngaknu tlangval hna nih, ca ah min an tial i, bawm chung ah an sanh i, cucu an zuh hnu ah, laksawng thlennak an rak tuah tawn. Cuticun acheu cu an i theihngal i, an i helh i an rak i duh; cuticun aa thila mi tampi an rak um tawn ti a si (Rome miphun hi, miphun sang taktak an rak si i, ngaknu tlangval sinak a rak uartukmi an si. Romeo le Julius tuanbia zong, hi ram chung ngaknu tlangval kong asi)

Rome Pennak ram chungah Krihfa an karh tikah, Rome puai pawl hi, Krihfa puai ah an rak ser tawn hna. Pope Gelasius (I) zong nih, hi Lupercalia ni February 15 ni cu, Valentine’s Day tiah, AD 496 ah a rak thlen thawk i, Valentine’s Day cu Roman Catholic nih hman an thawk i, Krihfa dang zong nih cawn cio a si. Hi ni aa thawknak cu Pathian an zumh ruang ah thahnawnnak a rak tuarmi (martyrs) pawl upat peknak caah an rak tuahmi, upat peknak ni a si.

Valentine’s Day thawktu Pope Gelasius-I. Hi valentine’s nih a chim duh taktakmi dawtnak ni ti khi a si ko. Cucaah hi ni ah hin, aa duhdawtmi ngaknu tlangval hna, nu le va hna, chungkhar sahlawh cingla ah duhdawt deuhmi hna tibantuk hi laksawng an rak i then tawn. Hi ni ah hin, hlan ahcun ngaknu tlangval uarnak le duhnak (romantic love) ca zong ah hi ni hi an rak hman ve.

Cucaah laksawng pek tik zong ah, an i pek bik mi cu, “pangpar, eidin a thlummi le chonhbiaknak card tete hna an si.” Pangpar nih alanghtermi cu, “dawhnak, duhnak, uarnak” tibantuk khi alanghtermi a si. Athlummi nih langhter duhmi cu, “dawtnak cu a thlum” tinak ca a si. Card tu cu a chung ah duhdawtnak biafang dawhdawh an tial I, hi ni ahcun an duhdawtnak kha thukpi in an langhter tawn. Valentine’s Day hi ram kip ah an hman cio. Krifa ram deuh a simi ah an hman khun. USA hna ahcun Special Sunday ah an hman i, Valentine’s Day a phak lai Zarhpini paoh cu, Krifabu ning pi in chuncaw eiti asi tawn. Valentine’s Day ni taktak cu, chungkhar dinner kalnak caan ah an hman tawn.

Asia ram ahcun Singapore, China abik in Hong Kong, Japan le South Korea nih hin, Valentine’s Day hi an hman bik ti a si. Hi ram hna hi Valentine’s Day caah tangka tambik a hmangmi Asia ram an si. Phundang ngai asimi cu Korea le Japan ahcun Valentine’s Day ah hin, an nupi le nih an va le kha “chocolate” aa telmi muthai laksawng an pek tawn hna. Cun a hnu thlakhat March 14 khi (White Day) ti asi i, cu nih ahcun an va le nih an nupi le kha chocolate aa tellomi muthai an pek ve than tawn hna.

Cun Feb 14 le March 14 ah laksawng zeihmanh a co lo mi, lawngkang (single) pawl caah April 14 hi (Black Day) tiah ti a si i, cu ni ahcun cu lawngkang (single) pawl cu Tuluk rawldawr ah kal in khohsuai a nakmi ei phung asi ti a si. Cu asullam cu “lawngkangmi” an sinak kha an tahpi tinak asi an ti. Cucaah Valentine’s Day ni hi cu nu le va, ngaknu tlangval duhmi a ngeimi hna cahcun, ni sunglawi tuk le lunglawmhnakni a si nain, lawngkang (single) pawl caah cun “zunngaih ni” khan ah a tla. Credit:semnaklairam

https://www.youtube.com/watch?v=tQVZ6sIajsI&feature=youtu.be

Leave a Reply