Wow Uar An Um Kho Taktak, Benjamin Vote Nak Ding Caah Falam Mino Nih Man Loin Sim Card An Phawt Hna: Khah Falam cu uar an um kho tuk, Benjamin Sum vote peknak dingah, sim card alak in an phawt hna. Hi bantuk ruahnak hi thil tha taktak asi. Hakha Thangtlang zong hi bantukin a cawlcang kho um ve usih law ttha tuk hnga.

Atu hmanthlak kan hmuh bantukin kan unau Falam hna nih Miphun dawtnak thinlung taktak he atu lio Myanmar Idol Season 4 top 10 ah aa zuam cuahmah mi Benjamin Sum vote peknak ding caah tiin man lo bakin cim card an phawt cang hna. Hakha Thantlang zong nan tthu sawh ko lai maw?

Relchih: Hello! CHIN: Tutan Myanmar idol cu kan fanau hna thawng in mi lungthin aa hliphlo ngai ngai ko. Ramchung, ramleng in thazang kan pek cio hna. Ramleng lei cu round khat ah $5 -15 man a vote mi cu torlecheng kan um lai ka zumh. Hi kan fanau hna chung in pakhat khat tal nih teinak hmuh hram hna seh ti hi CHINMI dihlak kan saduhthah asi lai ka zumh.

Cucaah nang falam, kei hakha, nang mindat, kei cu cu kha kha ti um hin lo te in a ti kho deuh/siaherh deuh nih kan fanau hna an pathum te in cheuhbauh kho ah cun thiltha tuk asi hnga i, an dihlak cheuhbauh khawh lo hmanh ah mi sihkheuh lo te in duhbikmi pakhat khat dai te in kan vote ah cun kan lungrualonak theih a har lai i, pakhat le pakhat karlak ah remlonak le I hmuhthiam lonak a tlom hnga.

A ngai ngai ti ah cun hi zong hi nationalism asi. Kan ram, kan vawlei, le kan miphun pakhat le pakhat kan I cawisang, kan I upat hi PATHIAN duhmi zong asi i, kan miphun kan dawtnak langhternak pakhat zong asi ve fon. Lungrual te in CHIN FOR CHINS a ti kho pengmi miphun kan si khawh nak hnga kan biakmi kan PATHIAN nih lam kan hruai hram ko seh. Teinak cu BAWIPA ta asi. Ref: Lai Kung