Thawngtha ngaingai a si. Australia mithiam pawl nih coronavirus thahnak sii kan hmuhchuah cang tiah an chim. Ivermectin timi le Anti-parasitic timi sii hna nih COVID-19 cu a thah khawh tiah an chim. Lab ah hneksaknak an tuahnak in an hmuhchuahmi cu hi sii hna nih hin COVID-19 cu suimilam 48 chung ah a thah khawh e tiah Australia mithiam pawl hlathlainak a tuahtu hna nih an chim.

Monash University huainak in hlathlainak a tuahtu hna nih an chim vemi cu Ivermectin timi nih hin SARS-C0V-2 virus hi tthang kholo in a tuah e tiah an chim ve. Monash Biomediciane Discovery Institute in Dr Kylie Wagstaff nih hi sii dorkhat te nih hin minung pum chung ah a ummi virus RNA cu suimilam 48 chung ah a hloh khawh dih.

Suimilam 24 chung hmanh ah hin faakpi in rian rian a ttuan cang i zawtnak hrik hi a cawlcang kho set ti lo tiah nizan cacawn ningani ah khan a chim. (“We found that even a single dose could essentially remove all viral RNA (effectively removed all genetic material of the virus) by 48 hours and that even at 24 hours there was a really significant reduction in it,” Monash Biomedicine Discovery Institute’s Dr Kylie Wagstaff said on Friday).

Ivermectin timi nih hin zeitin dah virus lak ah rian a ttuan timi hi fiangte in hngalh khawh a si rih lo. Hi sii nih hin virus hi a thazaang a der ter timi tu cu a fiangmi a si. Scientist pawl nih tuaktaan le tuah a herh tthanmi cu zeitin dah kan hman hna ning an si lai. Minung harnak peek ttunglo in zawtnak hrik virus lawng thahnak ding caah hin zei tin dah kan hman ning an si lai timi hi a si.

Vawleipi thlakawkbar in kan um lio caah ah hin hi zawtnak damhnak ding caah hi bak hi a si timi fehternak tuah khawhmi taktak cu a umm rih lo. Hi bantuk in chuah pimi pawl hi hman taktak awk an tthat ko a si ah cun vawlei hmun kakip ah hman awk in an um colh ko lai. Cu nih cun tampi an kan bawmh khawh te lai tiah Dr Wagstaff nih a chim. Ref:News