Singapore ah tuah dingmi Chin Miphun Pi ni (CND) ah Yaw Kee le Mercy Haling Awi hlasak ding in an sawm hna tiah kan theih. Mercy Haling Awi hi a thei lomi kan um pah men lai. Amah hi hlasakthiam taktak a si i naite ah kawlram nih a tuahmi hlasak zuamnak pakhat ah a zuam ve mi a si.

Chin Christian Fellowship Singapore ṭhihhuainak in tuah dingmi a ralami Febuary 16, 2020, zarhpi ni ah Chin Miphunpi ni hlunghlai taktakin caan hman a si lai cu ah cun Salai Yaw Kee Le Mai Mercy Haling Awi hna cu hlasak dingin sawm an si.

Chin Miphun ni (CND) puai tuahnak ding hmun cu; 6001 Beach Road ,Carnival Cinema, Golden Mile Tower, Third Floor #03-00 ah hman a si lai i zing 11:30 AM in 2:30 PM tiang caan hman a si lai. Hi Chin Miphun ni puai ah nunphung laam a phunphun le nunphung thil thuam hmuhnak zong a um lai. Hall luhman ah $7 a si lai.

Salai Yaw Kee hi Myanmar Idol Season 4 zuamawknak ah top 5 tiang phanmi a si i Mai Mercy Haling Awi hi Best of Best cover song zuamawknak ah top 3 aphan vemi a si. Hlunghlai taktak in tuah an i timh caah Singapore ah aummi Laimi/Chinmi paoh cu kal khawh dih i zuam hna usih. CTM (Mai Daidim)