Tuzan Esther Dawt Chin Sung a hlasak ning cu a men hrim lo. Video kan hmuh bantukin aa zuammi vialte hna chungin Esther tluk in tuzan ko ko ahcun amah tluk i Judge pawl thinlung a kho tu an um rih lo. A rak thiam hrim ko. Atu ning tein a kal ko ahcun tukum Myanmar Idol Season 4 winner dingah zumh a um bak ko hih. Bawipa nih a caan tangmi chungah lam hruai chin ko seh. Vote he thazaang pe cio hna usih.

Salai Lungthli Tum nih Esther kong a chim mi hrim uar um kho tuk: Esther hi hlasak ah cun cakei a si, Myanmar Idol winner caah ruahchannak tam bak ko cang. Chin Idol winner caah a rak thimtu judge hna kha a thar in atu thangthat phu an si, kha lio soisel an rak tong ngai ko nain.

Minung pakhat nih Esther a uarnak kong a chim rih mi: Esther a thiam nak taktak le a aw a pitcal nak nih tuzan Idol aa zuammi vialte a chilh dih hna. A phum bak in a phum hna. A thoktir tein khan Judge pawl si seh, Coach pawl si hna seh, Esther hi an chim thiam bik mi a si. Hna a ngeimi le mit a ngeimi nih cun an chimmi pawl nan theih ve ko lai khah. Nan hmuh ve ko lai khah.

Esther kong ah kan lungre na thei an ti bal lo i mi dang pawl tu cu kan lungre na thei ngai nain an ti zungzal hna. Esther țhangțhat a rem lo pawl nan tam ngai nain zei ti awk țha. Judge le coach-hla cawnpiaktu pawl chimmi nan theih cio lengmang ve ko kha.Esther hi a aw a pi i, țhawnnak pakhat, mi nun a hriat tu le a khoihtu a um tiah Kawl mipi nih an uar tuk cang.

Kan chim voihra, tuzan an hlasak ning le Judge pawl comment ning zoh hrim ah Esther Dawt Chin Sung nih an thinlung a rak lak cio ko hna rua ti awk in a um. An comment hrim ngaih nuam kho tuk. A caan tangmi aa zuam dingmi zongah teinak a hmuh khawhnak hnga thazaang pek in dirpi cio hna usih.

Cu lawng si loin Benjamin Sum le Yaw Kee zong teinak an hmuh i, an caan tangmi chungah an pathum tein teinak an hmuh khawhnak hnga vote in siseh, a kakip in thazaang pe cio rih hna usih. Kanmah nih thazaang kan pek mi hna hi anmah caah kan tuah khawh tawk um chun te si ko. Kan in lawmhpi tuk hna.