President Trump Nih A Thla-hlawh A Hlut Ṭhan

President Donald Trump nih President thla hlawh chung in cheu 4 cheu khat $100K cu National Park Service ah a hlut. Mah phaisa in minak tanhtu, BLM lamzawhtu hna nih an hrawhmi hlan lio President hlun an lungphun le a milem pawl remh ṭhannak caah an hman lai. President Trump nih bia ka kam cang bantuk in President thla hlawh pia khat hmanh laak ka tin lo. Kan rampi lianngannak tertu National Monument remhnak caah kan hman lai tiah a ti. “I promised YOU I would not take a dime of salary as your President,” Trump tweeted on Friday.“I donate the entire $400,000! It is my honor to give $100,000 to @NatlParkService to help repair and restore our GREAT National Monuments.“So important to our American History! Thank You!!” tiah a chim.

California Khirhfa Caaah Thawngtha

Nan theih cio bantuk in US ah Pathian a tih lo bikmi, khrihfa a rem lo bikmi,state cu California le New York an si. California hi Pathian a huami, Liberal, left wing, Socialist, progressive le Hollywood pawl an lornak le an ruhnak state a si. Democrats cozah nih an ukmi state a si caah khrihfa pawl hi tazacuai an tong pah lengmang. Coronavirus ruangah California state, Los Angeles County Sun Valley I a ummi, Grace community Church cu member 7000 an si I, cozah nih minung 100 lawng nan i pum lai tiah oder an chuah hnawh hna caah, an Pastor John MacArthur nih a duh ve lo. Pathian biak ah a rami ka member vialte ka khamh kho hna lo a ti.

US constitution ah zalong tein Pathian biak khawhnak second amendment a kan pek cangmi a si tiah a doh ve hna caah tazacuainak an chuak I nizan ah biaceihtu nih Grace community church nih zalong tein Pathian biaknak nawl an ngei, ahohmanh nih khamnak nawl nan ngei lo” tiah biachahnak an tuah caah khrihfa pawl cu an I lawm taktak. Cozah nih Zudawr le nigh club an on ko nain khrihfa biakinn an on duh ve lo caah khrihfa pawl cu an ngeihchia.

Second round of coronavirus stimulus checks

Democrats hruaitu hna le White house + Republican hruaitu hna cu kap hnih lungtlinnak an ngeih khawh hlei lo caah Virus ruangah avoi hnihnak bawmhnak pek dingmi cu September thla chung lawngah ceih than dawh an si. Senator pawl le house representative pawl cu Washington D.C capitol hill in an umnak khua cio ah an kir than cang. Asinain White house in Treasury Secretary Steven Mnuchin le White House Chief of Staff Mark Meadows cu democrats hruaitu hna he ngol rih loin cacawn nikhat ni tiang ceihhmainak an peh rih lai. Ca cawn nikhat ni tiang ah lungtlinak an ngeih khawh lo ahcun September thla lawngah ceih than a si te lai.

Republican party nih HEALS Act an ti I, $1 trillion stimulus package bill an chuahpi bantuk in Democrats pawl nih $3 trillion a tammi Heroes Act timi bill an chuahpi ve. Mah bill package chungah hin cozah bawmhnak Stimulus check hi telh chih an duh. Asinain Republican party nih cun cozah bawmhnak hi package bill chungah tel loin a dang tein pek colh an duh, President Trump zong nih a duh, asinain democrats nih state cozah bawmhnak le post office bawmhnak he fonh chih an duh peng caah atu tiang lungtlinak an ngeih kawh lomi a si.

Hakha Ah Nau An Hlon I A Nunnak A Liam

The Chin Journal nih a tialning ah, August 12 ah Hakha, Nahau tlaang ah nausemte ruak an char i, Dawrhlun mino tawlrelnak in Lungphir tlaang ah a vui, tiah thawng kan theih. Nausemte hi nute a si i, palik nih sizung ah an kalpi hnu ah Dawrhlun mino an pehtlaih hna i anmah nih a ruak an tuamhlawm hi a si. Hakha sizung biakinn ah ttuanvo ngeitu upa a simi Pu Chan Hrem nih, “Palik nih kuangte in sizung ah an rak chiah. Dawrhlun kan naule ka chawnh hna i Dawrhlun thlanmual ah ruakfimnak kan va tuah,” tiah a chim. A thimi hi nute a si. A muite zong aa dawh ngai. Kan ui ngaingai. Nau aa rawkmi phun cu si loin a hlonh in an hlonhmi a si ko,” tiah a chim chap.

Khrihfa ram i mah bantuk thil a can hi cu ngaihchia taktak a si. Laimi Khrihfa nih an hlonhmi a si ahcun Pathian kan zum taktak lo tinak a langhternak a si ko.

Note: Salai Lairamthang nih amah pumpak timeline ah a ṭialmi mipi nih rel di khawh dingin kan rak thlazamh thanmi a si.