Wow! Lawmhpi Lo Awk Hrim A Ṭha Lo Lawmhpi Cio Hna Usih!

Thawngpang

2019-2020 Academic Year, tanghra result zohtikah Laitlang/ Chin State cu 20.20% tluk lawng a si. Kawlram pumpi ah a chiabik kan si i kumdang nak hmanh in kan tla deuh in a lang. Kanmah Chinmi (Laimi) chungin 5D a hmuhmi zong zeimawzat an um.

Image may contain: 1 person, standing, text that says 'INTERN'

Pakhat lawmh a um tukmi cu Dr.Sasa nih Lailenpi ah tanghra sianginn a dirhmi a um. Mah sianginn ah tanghra a kaimi hna hi minung 87 an si. Ah dihlak in kum zeimawzat tanghra a awng kho ti lomi, lungdongmi lawngte an si hna. Cutluk lungdong cangmi siangngakchia chungin minung 27 nih tanghra a kan awng piak ti kan theih cu lawmh a um tuk hringhran.

Image may contain: 7 people, people sitting, table and indoor

Cu lawng hmanh si loin minung 27 chungah 7 nih 1D an hmu rih. Yangon Division tanghra awnnak hmanh 32% lawng a si lio ah Lailenpi sianginn in 31% bakin an awng ti a si. Lawmhpi lo awk hrimhrim an ṭha lo.

Image may contain: one or more people and people sitting

Thawngpang ṭha taktak a si rihmi cu;Thantlang peng, Aibur khuami Anny Ngun Kip Sui nih 5D(Distinction) bak an kan hmuh piak tiah kan theih cu kan i lawmtuk cio. Anny Ngun Kip Sui hi Thantlang peng, Aibur khuami Rev. Za Thang fanu a si. Tutan ah Distinction (D) a hmuh mi subject hna cu Myanmar, mathematic, Chemistry, Physic, Biology an si. English pakhat te lawnglawng D a hmuh lo mi asi.

A mah hi Yangon ah Sianginn a kai mi a si i Kamayut Taanghra sianginn in a awng mi a si. Laimi chung in mifim cathiam, taanghra awng tampi kan ngeih hi kan miphun Pathian nih an kan cawisan ngai ngai ti a langhnak zong a si i lawmh lo awk a ttha lo. Khua mi nih an lawmhpi bantuk tein Laimi dihlak nih kan lomhpi tuk cio. Kan fanu Anny Ngun Kip Sui Pathian nih thlacuah za he umpi chin ko sehlaw hmailei ah kan miphun dirkamhtu, hmai hngal tertu si chin hram ko seh.

A cung hmanthlak kan tar mi, mithman aa benh mi te hi kan fanu Anny Ngun Kip Sui cu a si. Miphun caah Pathian nih hmang chin hram seh.

Note: Hi thawngpang hna cu Dailychinstarnews thawngzamhnak le V.O.M Journal thawngzamhnak ta chirhchan in kan tarlanghmi a si.

Leave a Reply